VOV4.Êđê - Tlam 11-7, Khua knŭk kna Phạm Minh Chính mbĭt hŏng êpul mă bruă Knŭk kna mâo mmông mă bruă hŏng Khua gĭt gai ƀuôn prŏng Hồ Chí Minh leh anăn nao ksiêm dlăng hdră gang mkhư̆ klei ruă tưp ti ƀuôn prŏng Hồ Chí Minh. Blŭ hrăm hlăm mmông mă bruă Khua Knŭk kna mñă klă, bruă hluê ngă asăp mtrŭn mrô 16 hŏng ƀuôn prŏng jing bruă dleh dlan, khădah truh mmông anei bi mklă anei jing klei djŏ, bi thâo săng, bi mklă boh phŭn, mta phŭn djŏ mmông, djŏ anôk.

Khua knŭk kna lač bruă ƀuôn prŏng Hồ Chí Minh hluê ngă sa blư̆ dua bruă mdrơ̆ng hŏng klei ruă tưp êjai, mđĭ kyar bruă duh mkra êjai. Khua Knŭk kna mtă brei mđĭ lar klei dưi ngă, hlak mblang mta phŭn dŭm bruă mkhư̆ čiăng msir mgaih êjai dôk ngă. Mđing gang mkhư̆ klei ruă tưp, kriê dlăng klei hdĭp mnuih ƀuôn sang jing êlâo hĭn, amâo brei mnuih ƀuôn sang kƀah mnơ̆ng ƀơ̆ng huă, mkhư̆ jih hnơ̆ng phung ruă hlŏng djiê. Khua knŭk kna brei mđing, klei ruă tưp ka tuôm mâo, kyua anăn sĭt pŏk ngă brei mơ̆ng tur knơ̆ng mpŭ hlăm boh sĭt, mă boh sĭt mjing hnơ̆ng mkăn, amâo ngă pral đei ôh, ƀiădah ngă êjai mă klei thâo êjai.

H Zawut pô mblang