VOV4.Êđê- Tlam 18-8, Khua knŭk kna Phạm Minh Chính mâo leh mmông mă bruă hŏng Dhar bruă čung ba mnuih ƀuôn sang gưl dlông. Bi ala kơ Knŭk kna, Khua knŭk kna  bi mni lač jăk kơ Dhar bruă čung ba mnuih ƀuôn sang gưl dlông, mặt trận dŭm gưl, dŭm êpul bruă kđi čar ala ƀuôn gĭr leh jih ai tiê hlăm wưng êgao hlăm hdră mdrơ̆ng hŏng klei ruă tưp.

Hlăm hdră gang mkhư̆ klei ruă tưp, čŏng ngă, dlăng klei suaih pral, klei hdĭp mnuih ƀuôn sang jing yuôm bhăn hĭn.  Bruă čung ba mnuih ƀuôn sang hlăm anôk bruă knŭk kna ktuê dlăng kjăp klei gĭt gai mơ̆ng Đảng, Knŭk kna, đru mguôp mjing klei bi mlih ktang phĭt, gĭr jih ai tiê kơ bruă čung ba mnuih ƀuôn sang. Khua knŭk kna mtă, drei gĭr ktưn leh snăn brei lŏ dơ̆ng gĭr ktưn hĭn, bi hgŭm leh snăn brei bi hgŭm hĭn mơh, jih ai tiê leh anăn snăn brei jih ai tiê hĭn dơ̆ng čiăng ba ala čar lŏ wĭt hlăm boh klei mrâo, mđĭ kyar bruă duh mkra - ala ƀuôn, đru mguôp hluê ngă tŭ dưn Hdră mtrŭn Klei bi kƀĭn bruă Đảng tal XIII.

Pô mblang: H’Zawut Ƀuôn Yă