VOV4.Êđê- Khua knŭk kna Phạm Minh Chính mrâo mâo mmông mă bruă hŏng Phŭn buă tač êngao kơ bruă pŏk ngă hdră êlan tui si ai tiê Hdră mtrŭn klei bi kƀĭn tal XIII mơ̆ng Đảng. Leh hmư̆ klei blŭ mguôp, Khua knŭk kna Phạm Minh Chíng bi mni kơ bruă hŏng tač êngao mđĭ lar leh knhuah gru năng ktưn hưn mơ̆ng bruă, pŏk ngă tŭ dưi hdră êlan hŏng tač êngao mơ̆ng Đảng, kčah klei tŭ dưn ala čar djuê ana êlâo hĭn. 

Khua knŭk kna mtă kơ Phŭn bruă hŏng tač êngao brei mđĭ lar ktang klei tŭ dưn dưi mâo, mkŏ mjing pŏk ngă tŭ dưn hdră êlan hŏng tač êngao êngiê, êđăp ênang, bi hgŭm leh anăn mđĭ kyar, lu tĭng, lu jơr klei bi hgŭm hŏng tač êngao mơ̆ng Hdră mtrŭn Klei bi kƀĭn tal XIII mơ̆ng Đảng kčah leh, rơ̆ng hnơ̆ng tŭ dưn ala čar djuê ana. Hlăm boh klei mrâo, Khua Knŭk kna Phạm Minh chính gĭt gai Phŭn bruă hŏng tač êngao brei mđĭ ktang bruă klam mơ̆ng bruă hŏng tač êngao hlăm bruă mkŏ mjing leh anăn răng mgang klei êđăp ênang, hơĭt kjăp, iêu mkrum klei găl čiăng mđĭ kyar, đru mđĭ kơhưm leh anăn klei đaŏ knang mơ̆ng ala čar.

Pô mblang: H’Zawut Ƀuôn Yă