VOV4.Êđê- Ti anôk hưn mthâo klah čŭn mơ̆ng khua knŭk kna Phạm Minh Chính hlăm klei bi tuôm hŏng phung kreh knhâo, dŭm êpul êya ngă klei ksiêm duah, mkra mjing vaccine Covid 19, khua knŭk kna mtă mđing ruh mgaih bi pral jih jang klei dleh dlan, klei gun kpăk, klei bhiăn, hdră êlan hŏng ai tiê djŏ hŏng klei sĭt, mjing djăp klei găl kơ bruă ksiêm duah, ba yua kdrăp mrâo mkra mjing vaccine. Khua knŭk kna mtă brei thâo mkra mjing sa hnơ̆ng mta vaccine jăk djŏ kơ hdră êlan pioh răng mgang klei ruă tưp covid 19, hlăm anăn dôk hlăm knua ksiêm duah kluôm, ba yua kdrăp mrâo, bi năng hŏng klei bi liê prăk kăk knŭk kna êjai ară anei, lehanăn kơ hdră ngă bruă kơ mgi dih. Kơ bruă čuăn, hdră kjăp mơ̆ng ala čar kơ êdei anăp mâo klei ksiêm duah kluôm, hŏng kdrăp mă bruă ênuk mrâo, boh nik hlăm klei mkra mjing caccine Covid 19./.

Pô mblang: Y-Khem Niê