VOV4.Êđê - Aguah mbruê, khua knŭk kna Phạm Minh Chính, khua êpul gĭt gai ala čar bruă gang mkhư̆ klei ruă tưp Covid-19 mbĭt hŏng êpul ngă bruă mơ̆ng knŭk kna mâo leh klei nao êmuh, mđĭ ai êpul bruă Đảng, bruă sang čư̆ êa lehanăn mnuih ƀuôn sang čar Bình Dương, ksiêm dlăng, gĭt gai bruă gang mkhư̆ klei ruă tưp tui si ai tiê nao truh anôk, ală ƀuh, knga hmư̆ bruă gang mkhư̆ klei ruă tưp lehanăn rơ̆ng kơ klei hdĭp mnuih ƀuôn sang hlăm să, ƀuôn hgŭm. Klei nao mă bruă anei kñăm čih yap bruă mđĭ klei bi kbưi yang ƀuôn lehanăn dŭm hdră êlan gang mkhư̆ klei ruă tưp ti čar Bình Dương mơ̆ng hruê 23/8, hlăm anăn kñăm kơ bruă ksiêm dlăng, ktuê dlăng, mtrŭt mđĭ, mđĭ ai dŭm anôk bruă, să, ƀuôn hgŭm hlăm bruă gang mkhư̆ klei ruă tưp. leh kơ bruă ksiêm dlăng dŭm anôk bruă ba anăp bruă gang mkhư̆ klei ruă tưp lehanăn dŭm alŭ wăl să, ƀuôn hgŭm. Khua knŭk kna mâo leh klei mă bruă hŏng khua gĭt gai čar Bình Dương, khua knŭk kna mtă truh kơ kơ hruê 15/9, čar Bình Dương srăng gĭr brei klei hdĭp mnuih ƀuôn sang wĭt msĕ hŏng yăng đar.

Y Ƀel pô mblang