VOV4.Êđê - Aguah mbrue (23/5), ti alŭ wăl mplĕ hră mrô 18, ƀuôn hgŭm Cái Khế, quận Ninh Kiều, ƀuôn prŏng Cần Thơ, Khua knŭk kna Phạm Minh Chính mbĭt hŏng phung khua kiă kriê ƀuôn prŏng Cần Thơ, lehanăn lu phung ƀuôn sang nao ti anôk mplĕ hră ruah pô bi ala Quốc hội gưl 15 lehanăn pô bi ala HĐND dŭm gưl, wưng păn bruă 2021 – 2026.

Tui si khua knŭk kna, pô djă akŏ anôk bruă hlue ngă klei bhiăn, bruă hrŏng ruah pô bi ala kơ anôk bruă mâo klei dưi hĭn hlăm knŭk kna, dưi bi êdah mơ̆ng bruă drei mkŏ mjing leh jăk klei ruah khua êngiê, klă mngač, mtăp mđơr čing kơ grăp čô hŏng klei dưi pô, ruah mnuih mâo klei năng pioh mŭt hlăm anôk bruă mâo klei dưi prŏng hĭn ti alŭ wăl, lehanăn anôk bruă mâo klei dưi prŏng hĭn jing Quốc hội gưl 15. Êlâo kơ klei ruah khua, pô bi ala lehanăn phung nao ruah hlue ngă leh kjăp hdră gang mkhư̆ klei ruă tưp covid 19, msĕ si hưn mdah klei suiah pral pô, rao kngan bi doh, truă čhiăm guôm ƀô̆, dôk bi kbưi./.

Y Khem pô mblang