VOV4.Êđê - Tŭ ư klei iêu jăk mơ̆ng khua mil čhil Hàn Quốc Moon Jae In, hruê anei 31/5, khua knŭk kna Phạm Minh Chính nao hlăm klei kƀĭn trông gưl dlông ƀĭng hgŭm kơ klei mđĭ kyar mtah lehanăn bruă kñăm tar rŏng lăn thŭn 2030 (P4G) tui hluê êlan trực tuyến. klei kbĭn trông anei dưi čih yap mâo boh tŭ dưn yuôm bhăn hlăm wưng mdrơ̆ng hŏng klei mlih yan adiê lehanăn wĭr mghaih msir klei mtah doh jing klei mñăm tal êlâo hĭn hlăm dŭm ala čar.

Anei jing klei kƀĭn trông gưl dlông ƀĭng hgŭm kơ klei mđĭ kyar mtah gưl tal 2, hŏng klei nao hgŭm mơ̆ng giăm 60 čô khua gĭt gai, khua êmua gưl dlông lu ala čar, klei kƀĭn kñăm bi trông kơ dŭm boh phŭn klei bi mguôp tar rŏng lăn kyua mta kñăm msir mgaih klei mtah leh găn klei ruă tưp Covid-19. Klei kƀĭn trông gưl dlông dŭm ƀĭng hgŭm kơ klei mđĭ kyar mtah lehanăn klei kñăm tar rŏng lăn jing klei kƀĭn trông hlă anăn, dŭm ala čar srăng đru ngăn prăk lehanăn dŭm êpul êya, knơ̆ng bruă, mnuih ƀuôn sang srăng jing pô ngă bruă anei. Klei kñăm jing đru kơ dŭm ala čar dôk đĭ kyar dôk mâo klei awăt êdu dưi bi mdrơ̆ng hŏng êwa čhŏ sang ală king.