VOV4.Êđê- Tlam mbruê 14/7, ti sang bruă khua lăn čar, khua lăn čar Nguyễn Xuân Phúc mâo leh klei blŭ hrăm êlan đĭng blŭ hŏng khua mil čhil Rumani Klaus Werner Iohannis. Hlăm klei blŭ hrăm anăn, 2 čô khua gĭt gai bi trông kơ lu hdră êlan čiăng pŏk phai klei mjĕ giăm 2 ala čar, bi tŭ ư mtrŭt mjhar klei bi mguôp 2 nah lehanăn mđĭ klei bi mguôp hlăm dŭm bruă duh mkra, mnia mblei, mtô mjuăt, bi mguôp klei mă bruă knuă.

Khua mil čhil Rumani hâo hưn, hlăm klei bi mguôp jăk plah wah 2 ala čar, knŭk kna Rumani mâo klei bi klă srăng đru kơ ala čar Việt Nam 100 êbâo hnơ̆ng vaccine Astra Zeneca ăt msĕ hŏng bruă siêm dlăng lehanăn jang kơ Việt Nam dŭm hnơ̆ng vaccine kơ ala čar Việt Nam hlăm hruê mmông kơ anăp. Khua lăn čar Nguyễn Xuân Phúc bi êdah klei lač jăk ti anăp dŭm klei jăk mơ̆ng khua mil čhil leh anăn mnuih ƀuôn sang Rumani kơ ala čar Việt Nam, êjai ala čar Việt Nam dôk hlăm wưng dleh dlan êdi, lehanăn bi klă, hnơ̆ng vaccine srăng đru klă kơ ala čar Việt Nam hlăm bruă gang mkhư̆ klei ruă tưp Covid-19.

Pô mblang: Y-Ƀel Êban