VOV4.Êđê - Tlam hruê 22/6, Khua lăn čar Nguyễn Xuân Phúc - Khua Anôk bruă gĭt gai mkra mlih Hdră bhiăn Gưl dlông leh anăn Khua Anôk dlăng bruă Gưl dlông Phan Đình Trạc gĭt gai leh mmông mă bruă mơ̆ng Dhar bruă gĭt gai čiăng brei klei blŭ mguôp hŏng Hdră bi leh bruă knuă Anôk bruă gĭt gai mkra mlih Hdră bhiăn Gưl dlông. Klă klơ̆ng tŭ ư hŏng klei hâo hưn mơ̆ng Anôk dlăng bruă gưl dlông kñăm ngă djŏ klei čiăng gĭt gai bruă mkra mlih hdră bhiăn, mơ̆ng anăn lŏ dơ̆ng mlih mrâo, mđĭ ktang, rơ̆ng klei gĭt gai tliêr kjăp mơ̆ng Đảng hŏng êpul bruă leh anăn bruă ngă mơ̆ng dŭm anôk bruă hdră bhiăn, boh nik hlăm bruă ksiêm dlăng, msir mgaih klei ngă soh, msir mgaih klei phưi tha bruă gĭt gai amâodah ngă bruă amâo djŏ hlăm bruă ngă hdră bhiăn.

H Zawut pô mblang