VOV4.Êđê- Aguah mbrue (27/8), ti Hà Nội, Êpul khua kiă kriê klei mđĭ mlih bruă hlue ngă hdră bhiăn gưl dlông mkŏ mjing leh klei bi kƀĭn tal 13, tĭ gŭ klei kiă kriê mơ̆ng khua lăn čar Nguyễn Xuân Phúc, Khua êpul kiă kriê pioh trông čhai, mă klei blŭ kơ boh tŭ dưn hlue ngă bruă čiăng: “Mlih mrâo, lehanăn bi leh klei bhiăn kơ yang ƀuôn hgŭm bi phat mkra ti sang phat kđi, bi năng hŏng klei čiăng mđĭ mlih bruă hlue nga hdră bhiăn” lehanăn “Hâo mdah akâo klei blŭ kơ hdră êlan mtrŭn klei bhiăn mkŏ mjing klei phat mkra hlue online ti sang phat kđi”. Anei jing dua mta klei mâo Êpul khua kiă kriê mnuih ngă bruă mơ̆ng Đảng hlăm sang phat kđi yang ƀuôn gưl dlông ba mdah klei blŭ lehanăn akâo klei kčĕ mơ̆ng Êpul khu akiă kriê bruă mđi mlih bruă hlue ngă hdră bhiăn, êlâo kơ klei ba mdah hŏng anôk bruă mâo klei dưi bi mklă knhal tuič, hŏng hdră kñăm mđĭ mlih bruă anei hlăm wưng kơ anăp. Leh mđing hmư̆ klei bi blŭ hrăm mơ̆ng puhng khua kiă kriê, Khua lăn čar Nguyễn Xuân Phúc lač lŏ dơ̆ng bi kjăp klei mlih mrâo tui si hdră mtrŭn mơ̆ng klei bi kƀĭn prŏng Đảng 13, êlâo hĭn jing bi mlih bruă hlue ngă hdră bhiăn. Êpul khua čih hră bi klin djăp ênŭm djăp klei blŭ đru mguôp, pral mâo klei bi trông kơ bruă bi mklă êlâo jing jing kơ klei bhiăn mkŏ mjing klei phat mkra kđi klei hŏng online ti sang phai kđi. Mơ̆ng anăn mjing klei găl kơ klei phat kđi hlue online pral mâo hlue ngă./.

Pô mblang: Y-Khem Niê