VOV4.Êđê -  Tŭ ư klei iêu jak mơ̆ng khua knŭk kna New Zealand, aduôn Jacinda Ardern, mmăt mbruê, 16/7, khua lăn čar Nguyễn Xuân Phúc nao hgŭm leh hlăm klei bi kƀĭn ka klă klơ̆ng dŭm čô khua gĭt gai bruă duh mkra klei bi kƀĭn bi mguôp bruă duh mkra Asi - Pacific kơ klei bi mdrơ̆ng hŏng klei ruă tưp Covid-19 lehanăn krŭ wĭt bruă duh mkra. Hŏng akŏ “Bi mdrơ̆ng hŏng klei ruă tưp Covid-19, ya jing klei găl kơ Asi - Pacific dưi bi mguôp găn klei dleh dlan hlăm bruă mdrao mgŭn, krŭ wĭt bruă duh mkra, jing tur kơ klei hdĭp mgi dih”.

Klei bi kƀĭn kñăm bi trông kơ dŭm hdră êlan dưi găn klei dleh dlan hlăm bruă mdrao mgŭn, hmar krŭ wĭt bruă duh mkra ti alŭ wăl Asi - Pacific. Blŭ hlăm klei kƀĭn anăn, Khua lăn čar Nguyễn Xuân Phúc lač, anei jing mmông găl mơ̆ng dŭm anôk duh mkra dưi găn dŭm klei dleh dlan, bi mguôp čiăng dưi êgao klei rung răng lehanăn bi hơĭt klei hdĭp mnuih ƀuôn sang, krŭ wĭt bruă duh mkra, mđing truh kơ hdră đĭ kyar hơĭt kjăp, kluôm ênŭm.

H Zawut pô mblang