VOV4.Êđê - Hlăm klei nao čuă čhưn ala čar Lào, tlam mbruê 9/8, khua lăn čar Nguyễn Xuân Phúc mâo leh klei bi tuôm hŏng khua knŭk kna Phankham Viphavanh. Hlăm klei bi tuôm anăn, 2 čô khua gĭt gai dlăng yuôm bhăn dŭm hdră êlan gang mkhư̆ klei ruă tưp mơ̆ng 2 ala čar hlăm hruê mmông leh êgao, mbĭt anăn bi êdah klei sa ai hŏng klei bi đru, bi mguôp, klei čuă čhưn hdơ̆ng 2 ala čar hlăm bruă mdrơ̆ng hŏng klei ruă tưp. 2 čô khua gĭt gai bi tŭ ư kơ hdră êlan bi mguôp hlăm hruê mmông kơ anăp, tui hluê anăn mñă klă čiăng hrăm mbĭt ngă djŏ klei leh kuôl kă gưl dlông, ngă tŭ jing klei kuôl kă bi mguôp 2 nah Việt Nam - Lào wưng thŭn 2021-2025 lehanăn klei kuôl kă bi mguôp hdră êlan Việt Nam - Lào wưng thŭn 2021-2030, mbĭt hŏng anăn, mâo lu mmông bi trông kơ dŭm hdră êlan mtrŭt mđĭ klei bi mguôp bruă duh mkra, mnia mblei lehanăn duh bi liê.

Y Ƀel pô mblang