VOV4.Êđê - Aguah mbrue (30/6), ti anôk bruă khua lăn čar, Khua lăn čar Nguyễn Xuân Phúc ngă bruă online hŏng Choi Young Joo, Khua êul hgŭm Hàn Quốc – Việt Nam, lehanăn jing khua Êpul grŭp Panko. Khua Êpul hgŭm Hàn Quốc – Việt Nam brei thâo, phung duh mkra Hàn Quốc mâo mkrum mguôp leh truh 1 êklăk dolar đru kơ Việt Nam mdrơ̆ng hŏng klei ruă tưp Covid 19. Mơ̆ng Êpul hgŭm anei, Khua lăn čar Nguyễn Xuân Phúc iêu mthưr phung duh mkra Hàn Quốc lŏ dơ̆ng đru Việt Nam mdrơ̆ng hŏng klei ruă tưp Covid 19, lehanăn mđĭ hĭn klei duh bi liê hlăm dŭm bruă kreh knhâo, bruă êa drao gŭn, bruă ƀuôn prŏng thâo mĭn, lehanăn lu bruă mkăn. Khua lăn čar bi mni kơ Choi Young Joo, Khua êpul hgŭm Hàn Quốc – Việt Nam, Êpul grŭp Panko lehanăn dŭm êpul grŭp mkăn mơ̆ng Hàn Quốc msĕ si Samssung; SK... mâo leh klei thâo bi đru hŏng Việt Nam, đru Việt Nam mdrơ̆ng hŏng klei ruă tưp êjai, lehanăn mtrŭt dŭm êpul grŭp prŏng Hàn Quốc duh bi liê ti Việt Nam./.

Y Khem pô mblang