VOV4.Êđê -  Hrue mbrue (22/8), Nguyễn Xuân Phúc, Khua lăn čar djă akŏ Êpul khua kiă kriê Đảng, knŭk kna, bruă mặt trận čar kwar gưl dlông Việt Nam nao čuh leh brui mngưi, mđup dưm mnga ti knưng bi hdơr kơ Đại tướng Võ nguyên Giáp, ƀri bi hdơr 110 thŭn hruê kkiêng kơ Đại tướng (25/8/1911 – 25/8/2021). Đại tướng jing hđeh hur har jĕ giăm sĭt suôr êdi hŏng khua gĭt gai Hồ Chí Minh. Jih klei hdĭp ñu, siă suôr hŏng bruă krŭ kdơ̆ng mơ̆ng Đảng lehanăn djuê ana.

Ñu krơ̆ng nanao knhuah gru yuôm bhăn mơ̆ng lĭng kahan sĭt suôr hŏng klei Đảng kiă kriê. Đại tướng Võ Nguyên Giáp jing mnuih mbruă hlăm klei hgĭt gia lĭng kahan, mbĭt hŏng kluôm Đảng, jih jang phung ƀuôn sang, lĭng kahan mâo mă mơ̆ng klei dưi anei truh kơ klei dưi mkăn, ba wĭt leh klei dưi prŏng yuôm bhăn êdi. Đại tướng Võ Nguyên Giáp jing pô knhăk êdi hŏng mnêč bi blah mơ̆ng yang ƀuôn, jing boh phŭn klei klei djuê ana mâo sua wĭt klei êngiê hlăm ala čar pô lehanăn kơ tar rŏng lăn./.

Y Khem pô mblang