VOV4.Êđê- Tlam mbrue (18/8), ti Hà Nội, Bruă Đảng kahan ksiêm Gưl dlông, Phŭn bruă kahan ksiêm mkŏ mjing klei bi tuôm klei bi hdơr 76 thŭn hruê knhuah gru kahan ksiêm yang ƀuôn (19/8), lehanăn mđup brei anăn knăl 40 thŭn Đảng, 30 thŭn Đảng kơ phung khua kiă kriê knơ̆ng êlâo dih hlăm Phŭn bruă kahan ksiêm. Nao lehanăn blŭ hrăm ti anôk ti anôk bi kƀĭn, Khua lăn čar Nguyễn Xuân Phúc bi myuôm êpul kahan ksiêm yang ƀuôn hlăm dŭm thŭn êgao ngă bruă hŏng klei tŭ jing, bi rai jih djăp mta mnêč jhat, dŭm bruă bi kdơ̆ng hŏng Đảng, Lăn čar mơ̆ng phung bi roh, răng mgang kjăp klei êđăp ênang lăn čar.

Lehanăn êpul kahan ksiêm yang ƀuôn lŏ hyuă kjăp bruă bi kdơ̆ng hŏng phung ngă soh. Khua lăn čar Nguyễn Xuân Phúc mtă kơ Bruă Đảng kahan ksiêm Gưl dlông, Phŭn bruă kahan ksiêm lŏ dơ̆ng mâo nanao klei bi mguôp, bi sa ai, hur har ngă bi tŭ jing djăp hdră êlan mơ̆ng Đảng, hdră bhiăn knŭk kna kơ bruă răng mgang klei êđăp ênang lăn čar, klei êđăp ênang yang ƀuôn./.

Pô mblang: Y-Khem Niê