VOV4.Êđê- Hlue si asăp mtă mơ̆ng khua knŭk kna New Zealand, Khua lăn čar Nguyễn Xuân Phúc srăng nao ti anôk bi kƀĭn gưl dlông APEC tal 28 mơ̆ng hrue 11 – 12/11 hlăm hdră online. Hlăm hrue kăm APEC bi kƀĭn, Khua lăn čar Nguyễn Xuân Phúc nao lehanăn blŭ hrăm ti anôk bi kƀn gưl dlông phung duh mkra APEC mâo truh 4 êbâo 500 čô phung bi ala jing phung khua kiă kriê dŭm phung duh mkra prŏng hlăm alŭ wăl Asi – Pacific; leh kơ anăn nao ti anôk bi kƀĭn phung khua kiă kriê bruă duh mkra Asi – Pacific tal 28 hŏng akŏ: “Hgŭm hlăm APEC kñăm kơrŭ wĭt bruă duh mkra êdei kơ klei ruă tưp covid 19; dŭm klei găl lehanăn klei lông dlăng hlăm tar rŏng lăn êdei kơ boh klei covid lehanăn si srăng ngă čiăng rơ̆ng kơ djăp boh tŭ dưn srăng dưi bi kah mbha truh kơ grăp čô mnuih ară anei lehanăn mgi dih”.

Mđing trông čhai kơ dua mta phŭn jing klei hmăng hmưi kơ klei duh mkra tar rŏng lăn, lehanăn klei hgŭm kơrŭ wĭt leh klei ruă tưp. Klei bi kƀĭn srăng bi klă dua mta hră mơar jing klei hưn mdah mơ̆ng boh tŭ klei phung khua kiă kriê bruă duh mkra Asi - Pacific bi kƀĭn tal 28 lehanăn hdră ta êlan kơ APEC truh kơ thŭn 2040./.

Pô mblang: Y-Khem Niê