VOV4.Êđê- Lu phung hđeh dleh dlan ana\p sra\ng kbia\ sang hra\ mâo leh ayo\ng Nguyễn Ngọc Khôi, Khua brua\ Đoàn êdam êra [uôn hgu\m 10, [uôn pro\ng Đà Lạt, ]ar Lâm Đồng đru mtru\t mđ^ ai leh phung hđeh lo\ nao sang hra\. Ho\ng hdra\ mtru\t mjhar mơ\ng phung ayo\ng adei, du\m êpul êya brua\ đru leh kơ go\ sang phung adei dưi hgao klei dleh dlan.

Am^ mâo klei ruă ung thư biăm, bruă đru ngă mkra pưk sang mơ\ng ama amâo mâo h’^t kjăp ngă 3 ]ô amai adei: Nguyễn Thị Huyền, hđeh hriăm hră adu\ 7A, Sang hră gưl 2 Phan Chu Trinh, Nguyễn Hoàng Mạnh Anh, hđeh hriăm hră hră adu\ 4A, Sang hră gưl 1 Hùng Vương lehana\n Hoàng Minh Quân, 4 thu\n, sang hră mầm non phường 10 ana\p kbiă sang hră. Amai Hoàng Thị Phương am^ digơ\ yăl dliê, 2 ung mo# lehana\n 3 ]ô anak điêt nao kơ Đà Lạt hiu ngă bruă mưn giăm 10 thu\n ho\ng anei. Bruă ngă amâo mâo h’^t, asei mlei mâo klei ruă ung thư sơnăn klei hd^p mda go\ êsei lehana\n klei hriăm hră mơ\ng phung anak jưh knang kơ prăk ung hiu ngă bruă mkra sang. Grăp mlan tla prăk mưn sang dôk, prăk mkă dlăng klei ruă duam, blei êa drao mơ\ng go\ êsei ăt lui] giăm 5 êklăk prăk. Tơdah amâo mâo ôh ayo\ng Khôi, khua g^t gai bruă đoàn êdam êra phường 10 đru go\ êsei hmei s^t nik phung anak amâo dưi nao sang hră m’ar ôh:

“Kâo la] jăk kơ Đoàn êdam êra phường lehana\n phung mâo ai tiê thâo pap đru leh go\ êsei hmei hlăm wưng dleh dlan. Mơ\ng Đoàn phường đru go\ êsei hmei sơnăn phung anak aneh amâo lui hriăm hră m’ar ôh”.

Mơ\ng klei mtru\t mjhar mơ\ng ayo\ng Khôi truh kơ ara\ anei go\ êsei amai Phương tu\ mă klei đru mơ\ng du\m êpul êya, mdê asei mnuih mâo ai tiê thâo pap êbeh 90 êklăk prăk. Du\m anôk bruă hlăm ]ar ăt nao ]ua\, mđup brei êdeh wai jơ\ng, kdô hră kơ phung hđeh. Êngao kơnăn, mâo 2 ]ô mnuih lo\ đru adei Huyền grăp mlan 1 êklăk prăk hlo\ng truh hriăm jih adu\ 12. Adei Nguyễn Hoàng Mạnh Anh mgei ai tiê: 

“Kâo la] jăk kơ phung aneh apro\ng hlăk ai đru leh go\ êsei hmei hgao klei dleh dlan. Dưi nao sang hră mb^t ho\ng [^ng găp, kâo srăng g^r hriăm hră bi thâo ]ia\ng am^ ama h’^t ai tiê”.

Ayo\ng Khôi leh anăn phung mâo ai tiê kmah mđup brei êdeh wai jơ\ng, mnơ\ng hrăm hră kơ phung anak amai  Hoàng Thị Phương

Mse\ djuê ana\n, go\ êsei 2 ]ô adei Cao Lưu Quỳnh Anh lehana\n Cao Lưu Quỳnh Thu hđeh hriăm hră Sang hră gưl 1 Hùng Vương, phường 10, [uôn pro\ng Đà Lạt klei hd^p mda ăt dleh dlan. Am^ digơ\ mâo klei ruă grăp hruê kăm 3 blư\ nao bi mdoh boh [leh. Djăp mta bi liê hlăm go\ êsei ăt jưh knang kơ prăk ama hiu ngă mkra pưk sang. Mơ\ng klei mtru\t mjhar mơ\ng Khôi, phung hđeh mâo phung mâo ai tiê thâo đru pap đru lehana\n tu\ mă đru mdul grăp mlan 1 êklăk prăk hlo\ng truh phung hđeh hriăm jih hrue# đại học. Adei Cao Lưu Quỳnh Thu, hđeh hriăm hră adu\ 2B, Sang hră gưl 1 Hùng Vương hdơr knga kơ jih jang đru leh go\ sang pô:

“Kâo la] jăk kơ phung nai mtô, phung aneh apro\ng hlăk ai ti phường đru leh go\ êsei kâo, mdrao klei ruă kơ am^,  amai adei kâo dưi nao sang hră”.

Ara\ anei ayo\ng Khôi mtru\t mjhar 7 anôk bruă, knơ\ng bruă đru dlăng ba 10 ]ô hđeh hriăm hră mâo klei hd^p dleh dlan lo\ dơ\ng nao sang hră. Hluê si ayo\ng Nguyễn Ngọc Khôi, khua g^t gai Đoàn êdam êra phường 10, [uôn pro\ng Đà Lạt, ]ia\ng phung hđeh amâo lui ruh klei ]ang hmang nao sang hră sơnăn ]ia\ng êdi klei đru mguôp ai mơ\ng lu mnuih: Băng

“Hmei ]ang hma\ng bruă ngă mơ\ng Đoàn phường srăng lar bra ]ia\ng phung hlăk ai [uôn pro\ng Đà Lạt ăt mse\ mơh phung hlăk ai Lâm Đồng srăng hgu\m mb^t đru dlăng ba phung hđeh mâo klei hd^p dleh dlan. }ia\ng phung hđeh amâo hê` mlâo ho\ng yang [uôn kơ klei hd^p mda pô, ]ia\ng phung hđeh dưi nao sang hră mse\ ho\ng [^ng găp mkăn”.

Amâo djo\ kno\ng hiu mtru\t mjhar, ayo\ng Khôi lo\ mko\ mjing thiăm po\k hla Fanpage mơ\ng Đoàn phường ]ia\ng mtru\t mjhar du\m êpul êya, mdê asei mnuih, phung mâo ai tiê thâo pap hlăm lehana\n êngao ]ar đru dlăng ba lu h^n phung hđeh mâo klei hd^p dleh dlan, mnuih khua mduôn dôk hjăn păn. Aduôn Mai Thị Tuyết, khua Êpul hgu\m gru bi kal hrah phường 10, [uôn pro\ng Đà Lạt la] sơnei; du\m mta bruă ngă mâo klei tu\ dưn mơ\ng ayo\ng Khôi đru leh lu phung hđeh hriăm hră mâo klei găl ]ia\ng lo\ dơ\ng nao sang hră hluê ngă klei pô ]ang hmang:

“Đoàn êdam êra ara\ anei amâo djo\ kno\ng k[^n ai tiê kơ klei bi k[^n đui] ôh, [ia\dah lo\ thâo bruă đru mnuih knap m`ai. Digơ\ thâo bi kah ho\ng jih jang mnuih, kyua ana\n bruă knuă yang [uôn mơ\ng phung hlăk ai ara\ anei mâo djăp mnuih bi myuôm êdi. Phung hđeh mâo klei thâo nao ]ua\, ksiêm dlăng du\m phung dưi ba hlăm hră klei mrâo, hdră mđung asa\p ]ia\ng duah hdră đru mdul. Anei jing bruă ngă mâo klei tu\ dưn mâo Êpul hgu\m gru bi kal hrah phường mni m’uăn êdi”.

Du\m bruă jăk siam mơ\ng ayo\ng Nguyễn Ngọc Khôi khua păn ako\ phung hlăk ai phường 10, [uôn pro\ng Đà Lạt đru ai kơ lu phung hđeh dleh dlan nao sang hră, đru phung khua mduôn dôk hjăn păn năng mpu\ mđ^ êdi./.

H'Mrư Ayun mblang