VOV4.Êđê- Ti Trùng Khánh ala čar Trung Quốc, Khua phŭn bruă hŏng tač êngao Bùi Thanh Sơn mâo leh klei bi tuôm dua nah hŏng k’iăng khua knŭk kna, khua phŭn bruă hŏng tač êngao lehanăn hgŭm bruă hŏng tač êngao ala mtao Campuchia Prak Sokhoñ ƀri gưl nao ti anôk bi kƀĭn yuôm bhăn Phung khua phŭn bruă hŏng tač êngao ASEAN – Trung Quốc lehanăn klei bi kƀĭn phung khua phŭn bruă hgŭm Mekong – lan Thương tal 6.

Ti anôk bi tuôm, Dua khua phŭn bruă bi êdah klei ư ai klei mjĕ mgiăm Việt Nam – Campuchia mâo leh klei đĭ kyar jăk hlăm wưng êgao, êjai dôk găn klei ruă tưp, dua ala čar mâo nanao klei bi tuôm gưl dlông, lehanăn dưn yua hŏng klei tŭ dưn jih klei dưi, klei bhiăn hgŭm dua nah. Dua nah bi tŭ ư hyuă kjăp klei bi mguôp bruă răng mgang knông lăn, gang mkhư̆ klei ñu kmă knông lăn soh hŏng klei bhiăn, lehanăn mjing klei găl kơ klei bi mnia mblei ti knông lăn; bi mni kơ bruă ba yua ƀăng jang knông lăn Tân Nam čar Tây Ninh – Mơn Chây čar Prey Veng ngă bruă mơ̆ng hlăk hrue 31/5 leh êgao./.

Pô mblang: Y-Khem Niê