VOV4.Êđê- Aguah mbrue (21/6), bruă Đảng kahan ksiêm gưl dlông, Phŭn bruă kahan ksiêm mkŏ mjing leh klei bi kƀĭn ksiêm wĭt bruă kahan ksiêm 6 mlan akŏ thŭn 2021. Hâo mdah ti anôk bi kƀĭn lač klă mơ̆ng akŏ thŭn truh kơ ară anei, êpul kahan ksiêm yang ƀuôn gĭr leh mđing hlue ngă sĭt êmĭt djăp bruă bi leh mta kñăm hlăm thŭn 2021.

Blŭ hrăm ti anôk bi kƀĭn Khua lăn čar Nguyễn Xuân Phúc mñă: “Hlăm klei dleh dlan mơ̆ng klei ruă tưp, klei bi rai ktang phĭt mơ̆ng phung bi roh, Phŭn bruă kahan ksiêm gĭr leh jih hnơ̆ng, bi mguôp kjăp hŏng êpul êya lĭng kahan, dŭm gưl bruă Đảng, bruă sang čư̆ êa, bruă mặt trận čar kwar čiăng iêu jak jih ai dưi klei ktang ngă bruă răng mgang djăp mta bruă yuôm bhăn kơ lăn čar. Msĕ si klei bi kƀĭn prŏng Đảng kluôm ala gưl 13, klei ruă khua bruă kƀĭn ala, ruah Êpul gơ̆ng bruă ƀuôn sang djăp gưl... bi leh tŭ jing djăp mta mñăm, bruă čuăn kčah./.

Pô mblang: Y-Khem Niê