VOV4.Êđê - Ƀri bi hdơr 96 thŭn Hrue bruă klei mrâo krŭ kdơ̆ng Việt Nam (21/6) Nguyễn Thanh Long – Khua phŭn bruă mdrao mgŭn mâo leh hră hơêč hmưi truh kơ dŭm anôk bruă klei mrâo.

Nai prŏng, nai prĭn Nguyễn Thanh Long, Khua phŭn bruă mñă: Dŭm anôk bruă klei mrâo sa ai hrăm mbĭt leh hŏng Phŭn bruă mdrao mgŭn hlăm jih jang bruă kiă kriê, gĭt gai, tă êlan, đru leh kơ jih jang mnuih thâo săng hĭn, lehanăn mjing klei bi sa ai mơ̆ng yang ƀuôn hŏng dhar bruă mdrao mgŭn, hlăm hră čih, bi ala kơ dhar bruă mdrao mgŭn, Khua phŭn bruă Nguyễn Thanh Long mơĭt truh kơ jih jang anôk bruă klei mrâo, êpul phung ngă bruă klei mrâo kluôm ala sa klei hơêč hmưi jăk siam hĭn. Boh nik, hlăm klei bi blah, mdrơ̆ng hŏng klei ruă tưp anei, lu phung ngă bruă klei mrâo săn asei mlei, hŏng klei jhŏng kmlăn hlăm bruă ti anôk phŭn mâo klei ruă tưp, pral truh mtam hlăm dŭm anôk mâo klei ruă tưp, čiăng čih lač djŏ klă kơ jih jang klei gĭr mơ̆ng Đảng, knŭk kna lehanăn kluôm yang ƀuôn kñăm bi dưi hŏng klei ruă tưp, bi leh bruă klam mơ̆ng pô ngă bruă klei mrâo./. 

Y Khem pô mblang