VOV4.Êđê - Leh ngă klei dưi leh anăn bruă klam mnuih ƀuôn sang, mơ̆ng anôk mplĕ jră mrô 1, anôk bruă ruah khua mrô 3 ƀuôn prŏng Hải Phòng, Khua Quốc hội Vương Đình Huệ, Khua êpul hgŭm ruah khua ala čar, mơĭt leh klei khăp jăk siam kơ mnuih ƀuôn sang, lĭng kahan, phung bi ala kluôm ala hlăm hruê yuôm bhăn ala čar. Khua QH mñă klă, Hlăm boh klei ruă tưp Covid-19 mâo ktang hĭn, huĭ hyưt hĭn, tưp lar ti lu čar, ƀuôn prŏng, hmei dôk čang guôn grăp hruê, grăp mmông hlăm hdră mprăp ruah khua.

Hruê 2205, drei mơak leh kluôm ala mâo 16 čar hŏng 5 êtuh êbâo čô bi ala mplĕ hră hnưm hŏng 99,96% čô bi ala nao mplĕ hră, hlăm anăn mâo 14/16 čar mâo hnơ̆ng 100% phung bi ala nao ruah. Mơ̆ng klei ruah khua anei, drei ƀrư̆ ƀuh klei ktang mơ̆ng yang ƀuôn, ti gŭ klei gĭt gai mơ̆ng Đảng leh anăn klei mĭn mơ̆ng Awa hồ prŏng kdrưh, srăng ba ala čar drei lŏ dơ̆ng mâo lu klei tŭ dưn hĭn.

H’ Zawut pô mblang