VOV4.Êđê - Aguah 22/6, Êpul gơ̆ng kơ mnuih ƀuôn sang Hậu Giang gưl X 2021-2026 mphŭn pŏk klei bi kƀĭn tal sa. Khua hlăm Phŭn bruă kđi čar, K’iăng Khua bruă kƀĭn ala Trần Thanh Mẫn nao leh anăn mâo klei blŭ gĭt gai ti klei bi kƀĭn. K’iăng Khua bruă kƀĭn ala Trần Thanh Mẫn nao mtă, mơ̆ng akŏ wưng păn bruă 2021-2026, Êpul gơ̆ng bruă ƀuôn sang čar brei bi hgŭm tliêr kjăp hŏng Knơ̆ng bruă sang čư̆ êa, Knơ̆ng bruă mặt trận čar leh anăn Êpul bi ala bruă kƀĭn ala čar bi tŭ ư mkŏ mjing leh anăn mtrŭn klei bhiăn bi hgŭm, mâo klei mbha bruă klă mngač hlăm klei hluê ngă djăp mta, Knơ̆ng bruă sang čư̆ êa, phung hlăm Knơ̆ng bruă sang čư̆ êa leh anăn phung hlăm Êpul gơ̆ng bruă ƀuôn sang čar mrâo dưi djŏ ruah brei kƀĭn ai tiê, klei bi hgŭm, bi mklă dŭm mta hmaĭ, ba yua klei găl tŭ dưn, klei mâo bi tŭ ư klei mĭn leh anăn bruă ngă, jih ai tiê mkŏ mjing čar Hậu Giang jing anôk phŭn mđĭ kyar bruă duh mkra krĭng dap mnai krông Cưủ Long.

H Zawut pô mblang