VOV4.Êđê- Aguah mbrue (1/7), ti anôk bruă Đảng čar Hưng Yên mkŏ mjing leh klei bi kƀĭn hưn mdah klei mklă mklơ̆ng mơ̆ng Phŭn bruă kđi čar kơ bruă knuă druh. Ti anôk bi kƀĭn, Nguyễn Quang Dương khua hlăm Êpul kiă kriê bruă Đảng gưl dlông, K’iăng khua Dhar bruă mkŏ mjing gưl dlông bi êdah leh klei mklă mklơ̆ng mơ̆ng Phŭn bruă kđi car jao bruă lehanăn tiŏ nao Nguyễn Hữu nghiã, k’iăng khua Dhar bruă duh mkra gưl dlông, nao mŭt hlăm êpul khua kiă kriê bruă Đảng čar Hưng Yên, păn ngă khua bruă Đảng čar Hưng Yên, wưng păn bruă 2020 – 2025. Klei bi klă anei mâo klei tŭ dưn mơ̆ng hrue 15/6/2021. Blŭ hrăm ti anôk tŭ mă bruă mrâo, Nguyễn Hữu nghiã, khua bruă Đảng čar Hưng Yên ƀuăn srăng gĭr jih ai tiê pô, mbĭt hŏng êpul êya Êpul khua kiă kriê bruă Đảng čar hgao klei dleh dlan, klei lông dlăng, kiă kriê phung ƀuôn sang čar dưi bi sĭt eneoh čuăn mơ̆ng klei bi kƀĭn prŏng Đảng čar tal 19 wưng păn bruă 2020 – 2025 kčah leh, mkŏ mjing bruă Đảng, jih jang bruă kđi čar doh mngač, kjăp ktang rŭ mdơ̆ng ƀuôn sang Hưng Yên đĭ kyar, mdrŏng knhuah gru./.

Pô mblang: Y-Khem Niê