VOV4.Êđê – Tlam hruê 11/6, ti Anôk bruă knŭk kna, gĭt gai klei kƀĭn online mơ̆ng êpul kiă kriê ala čar bruă gang mkhư̆ klei ruă tưp Covid-19 hŏng dŭm čar, ƀuôn prŏng mâo dŭm anôk bruă tuh tia, kah mbha klei thâo hlăm bruă gang mkhư̆ klei ruă tưp hlăm dŭm sang tuh tia mkra mjing, knơ̆ng bruă prŏng, K’iăng khua knŭk kna Vũ Đức Đam, khua êpul gĭt gai lač klă, dŭm alŭ wăl srăng gĭr amâo dưi brei kman mŭt ôh, tơdah mâo mnuih ruă hlăm anôk bruă tuh tia srăng hmao ƀuh hlăm 3 hruê êlâo.

Ti klei bi kƀĭn, khua gĭt gai dŭm čar Bắc Ninh, Bắc Giang, Hà Nội, Bình Dương, Long An, Tây Ninh, Bà Rịa Vũng Tàu lehanăn ƀuôn prŏng Hồ Chí Minh bi dah sơăi klei hyưt huĭ dah kman srăng dưi mŭt hlăm dŭm sang tuh tia, anôk bruă prŏng hlăm dŭm anôk bruă tuh tia. Ti anăp gưl bluh đĭ klei ruă tal 4, đăo knăl srăng lŏ mâo lu mnuih ruă mrâo kyua mâo leh lu mnuih ruă êlâo anăn, êpul khua êpul gĭt gai ala čar mtă kơ dŭm anôk bruă amâo ngă ngơi mang, luič klei răng, ngă nanao bruă ksiêm dlăng, tui ngă dŭm hdră êlan gang mkhư̆ klei ruă tưp Covid-19, dưn yua 5 klei mtă mơ̆ng phŭn bruă mdrao mgŭn, boh nĭk guôm bô̆ mta tơdah kƀiă đuê̆ hlăm sang, mâo dưi dôk lu mnuih ôh.    

H Zawut pô mblang