VOV4.Êđê- Adŭ bruă knŭk kna mâo leh hră m’ar hưn mdah klei gĭt gai mơ̆ng K’iăng khua knŭk kna – Khua anôk bruă ala čar gĭt gai hdră gang mkhư̆ klei ruă Covid 19 kơ dŭm mta klei brei mđing hlăm bruă hluê ngă klei gĭt gai kơ hdră gang mkhư̆ klei ruă Covid 19. Hluê anăn, Phŭn bruă mdrao mgŭn, dŭm knơ̆ng, dhar bruă, alŭ wăl mjêč ksiêm dlăng hră m’ar ktrâo lač mơ̆ng phung thơ̆ng kơ bruă kñăm thâo klă klei mâo mơ̆ng grăp alŭ wăl. Hluê hŏng klei mâo mdê mdê srăng čih mkra hdră mdrơ̆ng hŏng klei ruă tưp, ktrâo lač kơ dŭm alŭ wăl čih mkra hdră kčah ngă bruă klă klơ̆ng, pral hưn mthâo dŭm mta mnơ̆ng dhơ̆ng, kdrăp mnơ̆ng, êa drao hŭn yua kơ hdră gang mkhư̆ klei ruă tưp ti alŭ wăl hluê hŏng hdră êlan ‘’4 tinăn mtam’’; gĭt gai lehanăn mkŏ mjing hdră tlŏ vaccine djŏ hdră kčah; đru kơ hdră ngă hră m’ar mơ̆ng dŭm êpul êya, anôk bruă blei amâo dah tŭ mă vaccine. Mđĭ hdră hâo hưn, mtô mblang rơ̆ng klei klă mngač mjing klei sa ai, gĭr ktưn hlăm hdră gang mkhư̆ klei ruă tưp hlăm kluôm yang ƀuôn./.

Pô mblang: H’Nêč Êñuôl