VOV4.Êđê - K’iăng khua knŭk kna Phạm Bình Minh mrâo drông Khua phŭn bruă hŏng tač êngao Singapore Vivian Balakrishnan. K’iăng khua knŭk kna Phạm Bình Minh mñă klă Klei bi mjĕ ƀĭng hgŭm phŭn kluôm dhuôm Việt Nam - Singapore dôk đĭ kyar klă sĭt lehanăn tŭ dưn.

K’iăng khua knŭk kna bi mni kơ dua tĭng hnưm mkŏ mjing, pŏk hdră bi kƀĭn dua êpul ngă bruă kơ hdră mdrơ̆ng hŏng klei ruă Covid 19, mđing truh kơ klei kuôl kă bi đru lehanăn bi mklă hdơ̆ng găp kơ bruă vaccine lehanăn bi hgŭm bruă duh mkra mrô kñăm mjing boh kdrŭt lŏ krŭ wĭt lehanăn mđĭ kyar bruă duh mkra djŏ guôp hŏng boh klei mrâo. Ăt ti anôk drông, K’iăng khua knŭk kna Phạm Bình Minh akâo kơ Singapore bi hgŭm kjăp hlăm klei mĭn kơ dŭm bruă mâo hlăm krĭng lehanăn tar rŏng lăn dôk bi mđing, hlăm anăn mâo boh klei Êa ksĭ Ngŏ, rơ̆ng kjăp bruă mđĭ lar ai tiê hgŭm mguôp lehanăn bruă klam phŭn mơ̆ng ASEAN./.

H Nêč pô mblang