VOV4.Êđê - Leh bi klă kơ klei hlue ngă bruă dôk bi kbưi ngă klei bi ktlah kluôm yang ƀuôn ti ƀuôn prŏng Hồ Chí Minh hlue asăp mtrŭn mrô 15, lehanăn alŭ wăl quận Gò Vấp, ƀuôn hgŭm Thạnh Lộc hlăm Quận 12 tui si asăp mtrŭn mrô 16 mơ̆ng khua knŭk kna, aguah mbrue 31/5, k’iăng khua knŭk kna Trương Hòa Bình nao ksiêm dlăng leh bruă mdrơ̆ng hŏng klei ruă tưp hlăm ƀuôn prŏng.

K’iăng khua knŭk kna nao truh ti 3 knơ̆ng bruă mkra mjing mnơ̆ng pioh čhĭ kơ ala tač êngao Tân Thuận, hlăm Quận 7, mâo: Knơ̆ng bruă Mtex Việt Nam, Knơ̆ng bruă Kim May Organ Việt Nam, lehanăn knơ̆ng bruă Nikkiso Việt Nam. leh ksiêm dlăng jih 3 anôk duh mkra anei, k'iăng khua knŭk kna lŏ nao ksiêm dlăng bruă mdrơ̆ng hŏng klei ruă tưp ti alŭ wăl bi ktlah hlăm Anôk hđeh hriăm hră dôk sang hră Đại học Quốc gia ƀuôn prŏng Hồ Chí Minh. Anei jing leh sa hlăm dŭm anôk kơ hđeh hriăm hră dôk prŏng hĭn êdi mơ̆ng dŭm boh sang hră đại học, cao đẳng hlăm alŭ wăl, mâo leh Knơ̆ng bruă sang čư̆ êa ƀuôn prŏng ba yua mjing anôk bi ktlah, pioh mkăp kơ phung tuôm jĕ giăm leh hŏng mnuih mâo kman sar CoV 2./.

Y Khem pô mblang