VOV4.Êđê - Tlam 28-6, ti Anôk bruă Knŭk kna, K’iăng Khua Knŭk kna Vũ Đức Đam, Khua Anôk bruă gĭt gai ala čar kơ hdră gang mkhư̆ klei ruă Covid-19 bi kƀĭn online hŏng 5 čar: Quảng Ngãi, Bình Thuận, Khánh Hoà, Bình Định, Phú Yên kơ hdră gang mkhư̆ klei ruă tưp. Ară anei, dŭm alŭ wăl mjêč mđĭ hnơ̆ng mdrao mgŭn, ksiêm mkă, mđĭ ênoh dŭm wăl bi ktlah hjăn hlăm ai tiê “jih bruă kđi čar gĭr hlăm hdră gang mkhư̆ klei ruă tưp hlăm wưng pral hĭn”. K’iăng Khua Knŭk kna Vũ Đức Đam lač bruă bi hâo hưn kơ phung F0, F1, F2 plah wah dŭm alŭ wăl dôk êmưt. Huĭdah dŭm čar ênưih tưp klei ruă… K’iăng Khua Knŭk kna mtă wăt tơdah ka mâo klei ruă tưp, dŭm čar ăt brei mđĭ ktang klei ksiêm mkă, gĭr krơ̆ng klei êđăp ênang jăk hĭn kơ sang êa drao; bi mklă krĭng mâo klei huĭ tưp lar hlăm êpul êya čiăng ksiêm mkă dlăng.

H Zawut pô mblang