VOV4.Êđê- Aguah mbrue (27/5), ti anôk bruă knŭk kna, k’iăng khua knŭk kna Vũ Đức Đam, Khua kiă kriê Dhar bruă ala čar mdrơ̆ng hŏng klei ruă tưp covid 19 mâo leh klei bi kƀĭn trực tuyến hŏng phung khua kiă kriê ƀuôn prŏng Hồ Chí Minh kơ klei ruă tưp, lehanăn hdră gang mkhư̆ klei ruă tưp covid 19. Yap mơ̆ng 10h hrue 27/5, ƀuôn prŏng Hồ Chí Minh mâo leh đa đa phung mâo kman tal êlâo djŏ tuôm hŏng êpul klei đăo Truyền giáo phục hưng, mđĭ ênoh mnuih tưp djŏ truh 25 čô mnuih. Leh hmao ƀuh anôk mâo klei ruă tưp mrâo, jih jang êpul êya djŏ tuôm ngă mtam bruă bi ktlah, kwang dar.

Ară anei, mâo bi klă leh truh 70 čô mnuih jing F1, lehanăn 336 čô mnuih jing F2. Ti anôk bi kƀĭn, k’iăng khua knŭk kna Vũ Đức Đam mtă kơ ƀuôn prŏng Hồ Chí Minh čŏng mâo djăp hdră mdrơ̆ng hŏng klei ruă tưp bi djŏ guôp, mâo dŭm klei akâo kơ knŭk kna, kơ dŭm phŭn dhar bruă ya mta bruă mjêč pioh bi đru. Mñă klă ƀuôn prŏng Hồ Chí Minh jing anôk phŭn kơ anôk bruă bi duh mkra mnia mblei, Phŭn bruă êlan klông bi tŭ ư leh hdră tal êlâo hĭn jing nao iêu wĭt mnuih Việt Nam ka mâo wĭt truh ôh kơ ƀuôn prŏng Hồ Chí Minh.

Pô mblang: Y-Khem Niê