VOV4.Êđê - Aguah mbrue (12/7), ti anôk bruă knŭk kna, k’iăng khua knŭk kna Vũ Đức Đam, Khua Dhar bruă ala čar kiă kriê bruă mdrơ̆ng hŏng klei ruă tưp Covid 19 kiă kriê leh mmông bi kƀĭn hŏng phung khua kiă kriê ƀuôn prŏng Hồ Chí Minh kơ bruă mdrơ̆ng hŏng klei ruă tưp ară anei. Truh ară anei, dŭm anôk ngă klei bi ktlah mâo ngă leh truh 70% ai dưi ngă bruă. Kyuanăn, ƀuôn prŏng Hồ Chí Minh hgŭm leh hŏng Phŭn bruă mdrao mgŭn ksiêm dlăng bru mdrao mgŭn ti sang. K’iăng khua knŭk kna jao kơ phŭn bruă mdrao mgŭn ksiêm duah dŭm hdră êlan kơ klei bi ktlah ti sang hŏng klei djŏ guôp, lehanăn guôp hŏng mdê bi alŭ wăl. K’iăng khua knŭk kna mtă kơ ƀuôn prŏng mđing hĭn kơ mnuih ƀun. Mơ̆ng anăn, êngao kơ dŭm bruă hdră mơ̆ng bruă sang čư̆ êa dôk ngă snăn dŭm anôk bruă mặt trận dŭm gưl bi iêu mthưr phung duh mkra, lehanăn phung ƀuôn sang mâo klei thâo bi đru hdơ̆ng găp./.

Y Khem pô mblang