VOV4.Êđê- K’iăng khua knŭk kna Vũ Đức Đam, Khua êpul kiă kriê bruă ala čar mdrơ̆ng hŏng klei ruă tưp Covid 19, kiă kriê leh mmông knŭk kna mă bruă mjêč hlăm online hŏng phung khua kiă kriê ƀuôn prŏng Hồ Chí minh kơ bruă mdrơ̆ng hŏng klei ruă tưp. Čih pioh dŭm klei gĭr mơ̆ng ƀuôn prŏng, k’iăng khua knŭk kna mñă, ƀuôn prŏng lŏ dơ̆ng mkŏ mjing dŭm anôk pioh kơ bruă mdrao mgŭn mnuih ruă kjham, kñăm čiăng bi hrŏ ênoh mnuih djiê. Bi hŏng êpul Shiper, mnuih ba jao mnơ̆ng hlăk dôk tuôm hŏng klei dleh dlan, mâo đa đa mnuih čan prăk knơ̆ng prăk pioh blei êdeh čiăng ngă bruă, ƀuôn prŏng bi mâo klei bhiăn kơ bruă brei čan pioh đru mnuih ngă hlăm dŭm bruă anei. Djŏ tuôm hŏng êpul dhiper dôk tuôm hŏng klei dleh dlan kơ bruă bi čan lĭng, msĕ hŏng klei k’iăng khua knŭk kna Vũ Đức Đam bơ̆k bâo leh, ƀuôn prŏng ƀuăn hlue ngă djŏ hŏng klei k’iăng khua knŭk kna mtă, êlâo hĭn ksiêm dlăng klei lŏ tŭ hdui nư klei kơ phung shiper lehanăn dŭm êpul mkăn./.

Pô mblang: Y – Khem Niê