VOV4.Êđê- Tlam mbruê, 20-7, K’iăng Khua Knŭk kna Vũ Đức Đam, Khua Anôk bruă gĭt gai ala čar kơ hdră gang mkhư̆ klei ruă Covid-19 mă bruă hŏng ƀuôn prŏng Hồ Chí Minh kơ bruă gang mkhư̆ klei ruă tưp leh anăn tlŏ vaccin. Hluê si K’iăng Khua Knŭk kna, Knŭk kna leh anăn Anôk bruă gĭt gai ala čar kơ hdră gang mkhư̆ klei ruă Covid-19, boh nik Khua knŭk kna mđing dlăng êdi kơ boh klei ruă tưp ti ƀuôn prŏng Hồ Chí Minh. Mkă hŏng Bắc giang, ƀuôn prŏng Hồ Chí Minh  mâo klei mdê prŏng kơ klei găl bruă duh mkra- ala ƀuôn, kyua anăn Knŭk kna bi đru klei dleh dlan hŏng mnuih ƀuôn sang ti ƀuôn prŏng.

K’đăng Khua knŭk kna mñă klă, bruă bi ktlah snăn brei ngă bi jăk, khă gơ̆ lu alŭ wăl bi ktlah dleh dlan ƀiădah ăt brei hyuă kjăp. Phŭn bruă mdrao mgŭn srăng mđing jih hnơ̆ng kơ kdrăp mnơ̆ng kơ ƀuôn prŏng Hồ Chí Minh, khădah, mơ̆ng klei ƀuôn prŏng akâo hŏng 18 mta mnơ̆ng, lu kdrăp mnơ̆ng dleh blei, kyua anăn brei yua kdrăp mnơ̆ng mâo leh, leh anăn gĭr bi hrŏ phung F0 hdjul jing kjham.

Pô mblang: H’Zawut Ƀuôn Yă