VOV4.Êđê - Aguah mbrue (5/8), êpul ngă bruă mơ̆ng knŭk kna mâo k’iăng khua knŭk kna Vũ Đức Đam ngă khua êpul nao ksiêm dlăng leh bruă mdrao mgŭn mnuih ruă covid 19 ti sang êa drao jing jai kdriêk Đồng Phú, čar Bình Phước. Ti anei mâo truh 150 boh jhưng đih, mă bruă mơ̆ng hrue 30/7 truh kơ ară anei, lehanăn dôk mdrao mgŭn kơ 43 čô mnuih ruă.

Êlâo anăn, sang êa drao mdrao hlao leh kơ 3 čô mnuih ruă lehanăn dưi wĭt kơ sang. K’iăng khua knŭk kna čih pioh lehanăn bi myuôm klei gĭr mơ̆ng phung nai aê mdrao mdrao mgŭn leh kơ mnuih ruă covid 19. K’iăng khua knŭk kna mñă, êngao kơ jih jang mdrao mgŭn tui si phŭn bruă mdrao mgŭn kčĕ, alŭ wăl lŏ dơ̆ng bi mguôp hdră mdrao ênuk mrâo hŏng ênuk đưm, mjing anôk mdrao mgŭn hŏng klei êđăp ênang kơ mnuih ruă, lehanăn pral dưi hlao. Ară anei, Bình Phước lehanăn ƀuôn prŏng Hồ Chí Minh mâo ênoh mnuih ruă lu hĭn, kyuanăn Bình Phước mâo klei răng nanao hlăm bruă mdrơ̆ng hŏng klei ruă tưp./.

Y Khem pô mblang