VOV4.Êđê- Hdră gang mkhư̆ klei ruă tưp ti ƀuôn prŏng Hồ Chí Minh srăng dôk sui, kyua anăn dŭm êpul djŏ tuôm brei pŏk ngă prăl dŭm hdră msir čiăng kơ anôk bruă duh mkra mjing mnơ̆ng dhơ̆ng lehanăn êpul êya dŭ mdiăng mnơ̆ng dhơ̆ng dưi ngă bruă djŏ guôp hŏng klei mâo, rơ̆ng klei hdĭp mda kơ mnuih ƀuôn sang. Anei jing klei bi mklă mơ̆ng K’iăng khua knŭk kna Vũ Đức Đam, Khua anôk bruă ala čar gĭt gai hdră gang mkhư̆ klei ruă Covid 19 ti mmông nao ksiêm dlăng hdră gang mkhư̆ klei ruă tưp ti dŭm anôk mkra mjing, mnia mblei hruê 6/8 mbruê ti ƀuôn prŏng Hồ Chí Minh. Čiăng rơ̆ng kơ hdră mă bruă nanao đrông, êđăp ênang, K’iăng khua knŭk kna mtă kơ ƀuôn prŏng Hồ Chí Minh mjêč tlŏ vaccine kơ mnuih mă bruă ti anôk bruă duh mkra. Mbĭt anăn, brei dŭm anôk bruă duh mkra pral kuôl kă hŏng anôk bruă mdrao mgŭn hluê ngă bruă ksiêm dlăng hlăm grăp hruê./.

Pô mblang: H’Nêč Êñuôl