VOV4.Êđê –Klei bhiăn ba djuh bi kuôl mơ\ng mnuih K’ho mâo mơ\ng đưm leh. Klei bhiăn ba djuh bi kuôl k`ăm mjing klei hgu\m mguôp plah wah 2 go\ êsei, đru hgu\m hrăm mb^t hgao klei dleh dlan hlăm klei hd^p mda.

Hluê si klei yăl dliê mơ\ng khua mduôn K'Brỏh ti êpul mnuih [uôn sang K' Ming, wa\l krah Di Linh, ]ar Lâm Đồng, klei bhiăn ba djuh dôk ung mơ\ng mnuih K'Ho Srê mâo leh mơ\ng đưm đă.  Djuh ba dôk ung mâo go\ sang t^ng kơ mniê ba kơ go\ sang t^ng êkei jing djuh yuôm bhăn leh anăn mâo wa\t k'hâu. Djuh ba dôk ung dưi ngă leh go\ sang dua t^ng mko\ mjing leh klei bi kuôl kơ dua ]ô anak.

 Ho\ng mnuih K'Ho Sre đưm đih: "Kbao jing mnơ\ng yuôm bhăn pioh ngă bruă", jing kdrăp mnơ\ng pro\ng. Ho\ng go\ sang t^ng êkei mâo klei găl, leh phung anak êkei nao dôk ti sang mo# ba sa drei kbao ]ia\ng ngă bruă, dlăng mse\ si klei bi êdah klei bi mni. La] kơ klei yuôm bhăn mơ\ng klei bhiăn ba djuh dôk ung mơ\ng mnuih K'Ho Sre, K'Broh ti alu\  K'Ming, wa\l krah Di Linh, kdriêk Di Linh, ]ar Lâm Đồng brei thâo:

“Djuh ba dôk ung jing klei bhiăn mâo mơ\ng đưm, djih ba dôk ung jing klei bhiăn sang mniê ba kơ sang êkei ]ia\ng kơ go\ sang êkei, jing am^ ama t^ng êkei mâo djuh pioh tu\k knă hlăm klei hd^p. Djuh ba dôk ung anei jing du\m mta djuh yuôm bhăn, djuh anei sui ram (mhê, cha, pơnggó…).  Djuh ba kơ sang êkei, sang mniê amâo dưi blah, koh ôh du\m ana hngô pioh nao ba. Arăng duah djuh jăk ba kơ sang êkei, ]ia\ng răm pui sui, dưi kriê pui hlăm yan hjan, mâo pui răng mgang klei hd^p hlăm go\ sang hluê si klei m^n mơ\ng mnuih đưm. Truh ara\ anei, hlăm du\m [uôn mnuih K'Ho ăt mâo go\ sang lo\ pioh du\m kdrê] djuh jăk, djuh p'pro\ng mse\ si ăt dôk kriê pioh klei jăk siam hlăm klei bhiăn bi dôk ung mo# mơ\ng mnuih [uôn sang K'Ho đưm dih."

Bruă ba djuh dôk ung mơ\ng mnuih K'Ho jing kyua sang êkei ba kbao kơ sang mniê, anăn sang mniê lo\ hdơr knga jing ba djuh kơ sang êkei jing kyua go\ sang êkei đru leh kơ t^ng mniê mâo kbao pioh ngă bruă pưk hma, đru kơ go\ sang t^ng mniê mâo klei găl ngă bruă duh [ơ\ng, mkra mjing. Bruă ba kbao leh anăn ba djuh mơ\ng dua nah găp djuê bi êdah klei bi hgu\m plah wah dua t^ng. Mơ\ng năn, mjing klei găl ngă bruă duh [ơ\ng hrăm mb^t mđ^ kyar.

}ia\ng dưi mâo djuh siam ba kơ sang êki, sang mniê mprăp bi jăk. Êlâo kơ bi kuôl, sang mniê k[^n ayo\ng adei hlăm go\ sang nao hlăm djiê hiu duah mă djuh, krê], blah djuh ba w^t kơ sang. Go\ sang mniê khăng nao mă djuh hlăm brô 50-60 bu\ng pro\ng leh anăn ba kơ sang êkei, djuh ba kơ sang êkei jing djuh jăk, pui [ơ\ng sui, ram sui snăn kơh bi êdah ai tiê ho\ng sang êkei. Hruê sang mniê ba djuh kơ sang êkei, sang êkei mprăp êsei djam kơ ayo\ng amai adei sang mniê. Dua t^ng găp djuê, phung êkei êdam mniê êra hrăm mb^t bi tuôm huă mnăm ]ia\ng bi thâo săng h^n. Hlăm mmông huă mnăm ba djuh anei, digơ\ bi trông klei ngă bruă duh [ơ\ng, tui hriăm klei thâo ngă bruă, mjing klei bi mguôp dua nah.

Djuh ba dôk ung leh mâo sang mniê ba ti sang, dưi dăp khuăt ti krum sang mơ\ng go\ sang êkei. Khua mduôn K'Brẹp, ti alu\ Kròt, să bảo Thuận, kdriêk Di Linh, ]ar Lâm Đồng brei thâo: Đưm dih, nao ti [uôn sang K'Ho ênuk anăn, tơdah dlăng ti krum sang [uh bo\ djuh dăp khuăt snăn go\ sang anăn mrâo brei anak êkei dôk mo#, anăn jing klei ktưn hưn, klei mơak mơ\ng go\ sang, găp djuê.

“Klei jăk siam mơ\ng klei bhiăn ba djuh dôk ung mơ\ng mnuih K'Ho jing k`ăm mjing klei bi hgu\m dua nah găp djuê, mâo klei ]o\ng ngă, amâo mgo# ôh go\ sang mniê, go\ sang êkei ba kbao kơ sang mniê snăn sang mniê ăt lo\ mâo mơh mnơ\ng lo\ ba kơ sang êkei ]ia\ng bi êdah klei bi êrô êbat plah wah dua găp djuê leh anăn bi thâo săng. Mơ\ng klei bhiăn  ba djuh dôk ung k`ăm mjing klei bi hgu\m dua go\ sang, amâo klei bi kah mbha djuê ana, jih dua jing anak sơa^, mjing klei bi hgu\m dua go\ sang, êlam h^n jing klei hgu\m [uôn sang hgao klei dleh dlan g^r ktưn hlăm klei ngă bruă, ]ang hmăng mâo klei hd^p trei mđao kơ anak ]ô êdei anăp."

Ăt hluê si klei bhiăn mnuih K'Ho Sre, phung êkei nao dôk ti sang mo#, anak mă djuê t^ng kơ am^, [ia\ dah phung mniê mrâo dôk ung nao dôk ti sang êkei kjuh hruê. Khă snăn, klei bhiăn ăt k]ah kơ phung mniê amâo dưi nao dôk hlăm sang ung kjuh hruê snăn hiu mă djuh ba kơ sang êkei 7 bu\ng djuh.

Kyua klei k]ah mâo hlăm Klei bhiăn leh anăn klei dhar kreh djuê ana, anăn ho\ng grăp ]ô mniê êra K'Ho Sre, boh nik phung mniê êra mrâo pro\ng, êngao kơ bruă thâo ngă bruă pưk sang brei kriăng tui hriăm mơ\ng aduôn, am^, amai thâo blah djuh, mă djuh jăk. Anei jing mse\ si sa bruă phung mniê K'Ho brei găn hlăm klei hd^p ]ia\ng mâo ung jăk, mâo sa go\ sang jăk mơak.

Hruê anei, kyua klei hd^p mnuih [uôn sang K'ho Sre mâo leh lu klei bi mlih djo\ guôp ho\ng klei hd^p mrâo mrang, klei bhiăn ba djuh dôk ung amâo lo\ mâo mnuih [uôn sang mđ^ lar ôh. Hlăm du\m klei bi kuôl ung mo# mơ\ng mnuih K'Ho Sre ara\ anei, ara\ng bi mlih leh klei bhiăn anei ho\ng hdră bi mlih jing mnơ\ng dhơ\ng mâo ênoh yuôm mkăn ]ia\ng găl ênưih leh anăn djo\ guôp ho\ng klei hd^p mrâo. Khă snăn, anei jing sa klei bhiăn djuê ana hlăm klei bhiăn bi dôk ung mo# mơ\ng mnuih K'Ho Sre ho\ng klei ]ang hmăng đru kơ anak ]ô leh dôk ung mo# mâo prăk ngă bruă, mjing klei bi hgu\m, mko\ dua nah go\ sang g^r ktưn hlăm klei hd^p.

Pô ]ih: K’Brop

Pô mblang: H’Zawut