VOV4.Êđê- Khua phŭn bruă hŏng tač êngao Bùi Thanh Sơn mâo leh klei bi blŭ hrăm hlăm đĭng blŭ hŏng khua phŭn bruă hŏng tač êngao Canada Marc Garneau.khua phŭn bruă hŏng tač êngao Bùi Thanh Sơn mñă Việt Nam bi myuôm klei Canada čŏng mđĭ hĭng klei bi mguôp hŏng ASAEN lehanăn Việt Nam; hơêč hmưi kơ dŭm boh tŭ dưn Canada dưi mkhư̆ klei ruă tưp covid 19, lač jăk kơ klei Canada đru leh Việt Nam mghaih msir klei yan adiê nga ti kwar Krah, lehanăn bruă mdrơ̆ng hŏng klei ruă tưp covid 19, boh nik đru vaccine. Kơ kdrêč pô Khua phŭn bruă hŏng tač êngao Marc Garneau lač srăng lŏ dơ̆ng đru Việt Nam lehanăn dŭm ala čar hlăm alŭ wăl dưi mâo vaccine Covid 19. Anăp truh kơ klei bi hdơr 50 thŭn hrue mkŏ mjing klei mjĕ mgiăm (1973 – 2023), dua čô khua phŭn bruă bi tŭ ư leh hŏng dŭm hdră jăk mđĭ hĭng klei duh mkra mnia mblei dua nah đĭ truh 8 êklai dolar hlăm dua thŭn kơ anăp, mtrŭt puhng duh mkra dua ala čar dưn yua klei găl mơ̆ng bruă kuôl kă CPTPP, mđĭ bruă mjuăt bi hriăm, pŏk mlar klei hgŭm hlăm bruă ngăn prăk, bruă duh mkra mrô, mlih mrâo hŏng klei mbruă./.

Pô mblang: Y-Khem Niê