VOV4.Êđê - Anôk bruă ksiêm hriăm klei bi hgŭm hŏng tač êngao bi hgŭm hŏng Anôk bruă bi ala Thái Lan ti Hà Nội leh anăn Anôk bruă bi ala Việt Nam ti Băng cốc mkŏ mjing Klei bi kƀĭn bi hdơr 45 thŭn mkŏ mjing klei bi hgŭm Việt Nam - Thái Lan (06/8/1976 - 06/8/2021). Klei bi kƀĭn dưi mkŏ mjing hluê hdră online leh anăn mđung ti mmông anăn mtam hlăm hla pŏk web ala ƀuôn Facebook čiăng hưn mdah kơ klei bi hgŭm Việt Nam - Thái Lan hŏng mnuih ƀuôn sang. Blŭ hrăm mphŭn pŏk klei bi kƀĭn, Anôk bruă bi ala Việt Nam ti Thái Lan Phan Chí Thành bi mklă kruăk knăl bi hdơr 45 thŭn jing wưng yuôm bhăn čiăng dua ala čar dlăng kơ klei tŭ dưi mâo leh anăn mđing truh kơ mgi dih. Hŏng ai êwa bi trông klă mngač leh anăn pŏk mlar, Klei bi trông amâo djŏ knŏng klei bi yăl dliê kơ klei bi hgŭm jăk siam plah wah dua ala čar hlăm 45 thŭn êgao đuič ôh, ƀiădah lŏ bi mklă klei gĭr čiăng mtrŭn agha êlam hĭn klei bi hgŭm kluôm Việt Nam – Thái Lan. Dŭm klei hưn mdah hdră êlan hlăm klei bi kƀĭn pŏk lu klei mĭn mbruă kơ bruă ngă bi hgŭm klă sĭt plah wah dua ala čar hlăm wưng kơ anăp.

H Zawut pô mblang