VOV4.Êđê - Blŭ hrăm ti anôk bi kƀĭn online kluôm ala mơ̆ng khua knŭk kna hŏng phung bi ala bruă duh mkra, Êpul hgŭm phung duh mkra, lehanăn djăp alŭ wăl kơ bruă ruh mgaih djăp mta klei dleh dlan, mtrŭt bruă duh mkra mđĭ kyar êjai dôk găn klei ruă tưp Covid 19, Khua knŭk kna Phạm Minh Chính mñă, anei jing sa klei lông dlăng prŏng, ƀiădah đăo knang sĭt phung duh mkra srăng dưi găn jih klei ruă tưp, lehanăn lŏ mjing anăn knăl yuôm bhăn kơ pô, hŏng bruă mđĭ hĭn klei tŭ dưn jăk siam mơ̆ng phung duh mkra anăn jing ai tiê, klei thâo, klei knhăk, klei k’hưm. Klei bi kƀĭn anei jing mmông čiăng kơ knŭk kna, khua knŭk kna mđing hmư̆, ai tiê klei mĭn, klei čang hmăng mơ̆ng jih jang phung duh mkra, êpul hgŭm phung duh mkra, djăp alŭ wăl, anôk bruă êpul êya tui duah hdră ruh mgaih klă mngač jih jang klei dleh kpăk, ngă bruă bi tŭ jing êjai boh klei hlăk ktrŏ ară anei./.

Y Ƀel pô mblang