VOV4.Êđê- Aguah 25-8, Khua phŭn bruă lĭng kahan bi hgŭm Anôk bruă hâo hưn mtô mblang gưl dlông, Adŭ bruă Knŭk kna leh anăn Bruă Đảng čar Quảng Bình mkŏ mjing online Klei bi kƀĭn kreh knhâo gưl ala čar bi hdơr 110 thŭn Hruê kkiêng kơ Đại tướng Võ Nguyên Giáp. Klei kƀĭn trông mâo akŏ “Đại tướng, Khua kahan Võ Nguyên Giáp- Sa  čô mâo klei thâo bruă lĭng kahan êdah kdlưn, khua gĭt gai êdah kdlưn mơ̆ng bruă krŭ kdơ̆ng Việt Nam”.

Blŭ hrăm gĭt gai hlăm Klei bi kƀĭn online anôk mkŏ Phŭn bruă lĭng kahan ti Hà Nội, Đại tướng Phan Văn Giang, Khua hlăm Phŭn bruă kđi čar, Khua phŭn bruă lĭng kahan mñă klă: “Klei bi kƀĭn jing sa hlăm dŭm bruă ngă prŏng, mâo boh phŭn, jing bruă klă sĭt hlăm dŭm klei bi hdơr 110 thŭn hruê kkiêng Đại tướng Võ Nguyên Giáp.  Dŭm klei kčĕ leh anăn klei blŭ hưn mdah hlăm Klei bi kƀĭn đru mbŏ klei hâo hưn, hră mơar čiăng bi mklă êlam klei hdĭp, bruă krŭ kdơ̆ng êdah kdlưn, lu jơr mơ̆ng Đại tướng Võ Nguyên Giáp; mpŭ leh anăn hdơr knga kơ ai tiê, klei duh myơr prŏng prĭn êdah kdlưn mơ̆ng ñu hŏng bruă krŭ kdơ̆ng mơ̆ng Đảng leh anăn djuê ana. Đru mkra mđĭ klei đaŏ knang mơ̆ng yang ƀuôn hŏng bruă mlih mrâo lăn čar kyua Đảng pŏk ngă leh anăn gĭt gai.

Pô mblang: H’Zawut Ƀuôn Yă