VOV4.Êđê- Aguah 2-7, mkŏ mjng Klei bi kƀĭn online kơ bruă kriê dlăng, mđĭ kyar wăl tuh tia mkra mjing, dưi mkŏ mơ̆ng Hà Nội kyua Khua phŭn bruă tuh tia mnia blei Nguyễn Hồng Diên gĭt gai, mkŏ hŏng dŭm čar, ƀuôn prŏng, alŭ wăl kñăm bi klă klei dleh dlan, gun kpăk hlăm bruă ngă dŭm wăl tuh tia mkra mjing hlăm wưng êgao, mơ̆ng anăn kčĕ dŭm hdră msir kriê dlăng tliêr kjăp, tŭ dưn dŭm wăl tuh tia mkra mjing hlăm wưng kơ anăp. Kyuadah, hluê si hdră tă truh thŭn 2025 kluôm ala mâo êbeh 1.704 wăl tuh tia mkra mjing. Khădah, hluê si Knơ̆ng bruă tuh tia mkra mjing dŭm čar, ƀuôn prŏng, truh jih thŭn 2020, kluôm ala mâo 968 wăl tuh tia mkra mjing hŏng ênhă 30.912 ha dưi mkŏ mjing. Mơ̆ng bruă mkra mjng mơ̆ng dŭm wăl tuh tia mkra mjing mđĭ pral bruă duh mkra ƀiădah ăt mâo klei dleh dlan, gun kpă hlăm bruă kriê dlăng brei msir mgaih. Lu alŭ wăl dôk dleh dlan, mtŭk mtul hlăm bruă bi mlih gru hmô wăl tuh tia mkra mjing  kyua knŭk kna duh bi liê jing anôk bruă duh mkra jing pô duh bi liê mkŏ mjing leh anăn mnia blei nah gŭ… čiăng êdi mâo dŭm hdră kriê dlăng, tŭ dưn dŭm wăl tuh tia mkra mjing  hlăm wưng kơ anăp.

Pô mblang: H’Zawut Ƀuôn Yă