VOV4.Êđê - Ti Hà Nội, Đại tướng Phan Văn Giang, khua phŭn bruă lĭng kahan, kiă kriê leh klei bi kƀĭn bruă lĭng kahan mlan 7 thŭn 2021. Blŭ hrăm ti anôk bi kƀĭn, Đại tướng Phan Văn Giang mñă, čiăng ngă jăk lehanăn bi leh dŭm bruă čuăn hlăm mlan 8 kơ jih jang lĭng kahan, bi mđing hlăm djăp mta hŏng klei gĭr ngă tŭ jing dŭm bruă phŭn. Lŏ dơ̆ng bi kjăp, ngă bi djŏ klei gĭt gai mơ̆ng gưl dlông, hyuă kjăp hĭn bruă mdrơ̆ng hŏng klei ruă tưp covid 19. Jih jang bruă lĭng kahan ngă bruă tŭ jing hŏng djăp alŭ wăl, boh nik ƀuôn prŏng Hồ Chí Minh, lehanăn dŭm čar nah Dhŭng hlăm bruă mdrơ̆ng hŏng klei ruă tưp Covid 19, hlăm anăn mđing klei êđăp ênang kơ dŭm êpul nao ngă bruă. Dŭm anôk bruă djŏ tuôm kiă kriê jih jang êpul lĭng kahan mkŏ mjing klei mjuăt bi hriăm kjăp, êđăp ênang, bi djŏ hŏng hdră êlan êjai dôk găn klei ruă tưp covid 19, mđing kiă kriê êpul nao hlăm klei bi lông Army Games 2021 mâo ba wĭt klei tŭ dưn jăk hĭn./.

Y Khem pô mblang