VOV4.Êđê -  Hlue si asăp khua IAPA, Khua Êpul gơ̆ng mkŏ mjing hdră bhiăn Brunei Darussalam Pehin Dato Abdul Rahman Taid, Êpul bi ala bruă kƀĭn ala Việt Nam mâo Khua bruă kƀĭn ala Vương Đình Huệ djă akŏ êpul nao ti anôk bi kƀĭn AIPA 42 anei hlue hdră online mâo mkŏ mjing mơ̆ng hrue 23-25/8/2021 hŏng akŏ: “Mđĭ kyar klei bi mguôp bruă kƀĭn ala hlăm bruă mrô anăp truh kơ yang ƀuôn ASEAN thŭn 2025”. Anei jing bruă yuôm bhăn, bi mguôp hŏng ala tač êngao klă klơ̆ng mơ̆ng khua bruă kƀĭn ala Vương Đình Huệ lehanăn êpul khua prŏng bruă kƀĭn ala Việt Nam hălm wưng păn bruă gưl 15. Mơ̆ng boh tŭ dưn anăn, Ti anôk bi kƀĭn prŏng Êpul gơ̆ng AIPA 42, khua bruă kƀĭn ala Vương Đình Huệ srăng mơĭt truh hŏng mah jiăng alŭ wăl lehanăn tar rŏng lăn sa mta klei hưn mrâo kơ lăn čar Việt Nam amâo mâo mdei mâo klei mlih mrâo, bruă kƀĭn ala Việt Nam mâo bruă klam, jih ai tiê, čŏng bi hgŭm bruă kƀĭn ala lu tĭng hlăm alŭ wăl, jih ai tiê hrăm mbĭt hŏng knŭk kna mđĭ kyar bruă duh mkra ala ƀuôn, mdrơ̆ng hŏng klei ruă tưp Covid 19./.

Y Khem pô mblang