VOV4.Êđê- Aguah mbrue (21/7), Dhar bruă gĭt gai Bruă kƀĭn ala mâo leh klei hâo mdah hŏng bruă kƀĭn ala boh tŭ dưn klei trông čhai hlăm êpul lehanăn hlak mblang, tŭ mă klei blŭ mơ̆ng phung bi ala bruă kƀĭn ala kơ bruă dăp mnuih êlâo kơ bruă kƀĭn ala trông čhai, bi klă ênoh pioh ruah phung khua prŏng jing Knơ̆ng khua čih hră bruă kƀĭn ala, Khua Êpul Gơ̆ng bruă djuê ana, Khua kiă kriê anôk bruă kƀĭn ala, Knơ̆ng khua ksiêm wĭt jih jang bruă knuă knŭk kna. leh kơ anăn, phung bi ala bruă kƀĭn ala ruah phung khua prŏng anăn hŏng hdră mplĕ hră hgăm.

Boh tŭ dưn klei yap hră mplĕ dưi bi êdah êdei kơ anăn mtam. Ăt hlăm hrue mă bruă tal dua anei, Bruă kƀĭn ala trông čhai leh kơ hdră mơ̆ng bruă kƀĭn ala ksiêm dlăng hlăm thŭn 2022, tĭng mkă kơ hdră mkŏ mjing kle ibhiăn, hdră bhiăn mtrŭn thŭn 2022, bi mlih hdră mkŏ mjing klei bhiăn, hdră bhiăn mtrŭn thŭn 2021./.

Pô mblang: Y-Khem Niê