VOV4.Êđê- Aguah anei 27/5, phŭn bruă mtô mjuăt lehanăn sang hră mơar mâo leh klei bi trông êlan trực tuyến hŏng 63 čar, ƀuôn prŏng kơ bruă mkŏ mjing klei lông bi ruê̆ klei hriăm gưl 3 thŭn 2021. Anei jing klei bi trông mâo klei hmăng hmưi mơ̆ng dŭm alŭ wăl čiăng mkŏ mjing hdră êlan mprăp kơ bruă bi lông bi ruê̆ klei klei hriăm gưl 3 hlăm wưng klei ruă tưp Covid-19 dôk dleh dưi ksiêm dlăng. Klei bi trông hŏng êlan trực tuyên mơ̆ng phŭn bruă mtô mjuăt lehanăn sang hră mơar lehanăn dŭm anôk adŭ kƀĭn trực tuyên mơ̆ng knŭk kna. boh phŭn kơ klei bi trông anei jing mkŏ mjing klei bi lông bi ruê̆ klei hriăm gưl 3 thŭn 2021, dŭm boh klei mơ̆ng dŭm bruă sang čư̆ êa dŭm čar, ƀuôn prŏng čiăng gĭt gai kơ dŭm, knơ̆ng, dhar, anôk bruă djŏ tuôm mkŏ mjing klei bi lông bi ruê̆ klei hriăm gưl 3 hlăm dŭm alŭ wăl djŏ hŏng klei bhiăn hlăm klei bi lông bi ruê̆ klei hriăm gưl 3. Rơ̆ng mâo klei êđăp ênang, klă mngač, mkiêt mkuôm lehanăn tŭ dưn. Ară anei klei ruă tưp Covid-19 ngă kơ dŭm čô hđeh hriăm adŭ 12 tui ngă klei bi ktlah bruă mdrao mgŭn, amâo dah dôk hlăm anôk bi kƀưi yang ƀuôn, hmăi kơ klei hriăm lehanăn klei wĭt hriăm mprăp kơ klei bi lông bi ruê̆ klei hriăm gưl 3.

Pô mblang: Y-Khem Niê