VOV4.Êđê- Hluê si klei hâo hưn pral mơ̆ng Phŭn bruă sang hră mtô bi hriăm, hruê tal sa, klei bi lông hriăm jih gưl 3 thŭn 2021, ênoh hđeh bi lông jih 2 klei hriăm Ngữ Văn leh anăn Toán mâo êbeh 97% mkă hŏng ênoh hđeh čih anăn bi lông. Kluôm ala mâo 9 čô hđeh bi lông ngă soh klei bhiăn bi lông brei mdei bi lông. Hluê si klei ksiêm mkă mơ̆ng phung bi lông, nai mtô leh anăn ala ƀuôn, akŏ klei bi lông Ngữ Văn leh anăn Toán mâo hlăm klei hriăm gưl 3, mâo klei djŏ guôp. Dŭm Êpul gơ̆ng kiă kriê klei bi lông ngă leh jăk dŭm hdră gang mkhư̆ klei ruă Covid-19 leh anăn pŏk ngă dŭm hdră gang mkhư̆ anăn hmao msir mgaih klei mâo, rơ̆ng mkŏ mjing klei bi lông êđăp ênang. Hruê anei 8-7, hruê bi lông knhal tuič hlăm gưl 1, Klei bi lông hriăm jih gưl 3 thŭn 2021, aguah phung hđeh bi lông klei hriăm Khoa học Tự nhiên amâodah Khoa học Xã hội, tlam bi lông klei blŭ ala tač êngao.

Pô mblang: H’Zawut Ƀuôn Yă