VOV4.Êđê - Lạc Dương jing kdriêk kr^ng dlông mơ\ng ]ar Lâm Đồng, lu jing mnuih djuê [ia\. Kyua bi mlih hla\m hdra\ m^n, hdra\ nga\, lu mnuih [uôn sang tlaih leh mơ\ng [un lehana\n g^r ktưn kpưn đ^ kơ mdro\ng.

M]h^t m’uăt ho\ng bruă khăt du\m adhan mnga hồng ]ia\ng hmao đu\ng hruôm du\ mdiăng ba ]h^ kơ sang mnia ti [uôn pro\ng Hồ Chí Minh, Kra Jan Blim ti {on Dơng 1, wa\l krah Lạc Dương, kdriêk Lạc Dương brei thâo; mơ\ng klei hriăm hră hlăm phung anak aneh, ênoh prăk bi liê kơ klei hd^p mda aguah tlam hlăm go\ êsei hlo\ng truh kơ sang pro\ng siam mse\ si ara\ anei kyua mâo đang mnga hồng sơa^. Êlâo dih, jih 3 sào sang ală k^ng pla mnga hồng jing lo\ 1 yan mdiê, ênoh hrui w^t amâo mâo h’^t kjăp, sơnăn klei ư\ êpa ăt w^r w^r. Mơ\ng hruê bi mlih ba pla mnga hlăm sang ală k^ng, klei hd^p mda go\ êsei Kra Jan Blim [rư\ hruê [rư\ đ^ kyar, ho\ng hnơ\ng hrui w^t êbeh 300 êklăk prăk hlăm 1 thu\n:

“Êlâo dih pla mdiê kno\ng djăp [ơ\ng huă, lehana\n pla kphê ênoh tru\n amâo mâo djăp [ơ\ng huă ôh, bi mlih ba pla boh teinan hrue# kăn h’^t kjăp lei. Êdei anei ]an prăk Knu\k kna ngă pra ba pla mnga hồng, go\ êsei h’^t kjăp h^n, klei hd^p mda đ^ kyar h^n”.

Kra Jan Blim ( nah điâo) hrui mă mnga hồng ]ia\ng ba ]h^ mnia

Mse\ djuê ana\n, mơ\ng hruê bi mlih nao kơ gru hmô pla m’mao adrăng, grăp mlan, go\ êsei amai }il K’Pam ti alu\ Da\ Ra Hoa, să Đa Nhim ăt hrui w^t êbeh 10 êklăk prăk. Amai K’Pam brei thâo; mơ\ng 1 boh sang pla m’mao tal êlâo truh kơ ara\ anei go\ êsei mâo ru\ mdơ\ng leh 3 boh sang pla m’mao, [ia\dah ăt kăn djăp lei ba ]h^ hlăm sang mnia:

“Mơ\ng hruê ngă sang pla m’mao truh kơ ara\ anei go\ êsei mâo klei bi mlih h^n. Mkă ho\ng bruă nao ngă mnuih ma\ brua\, pla kphê, sơnăn pla m’mao gơ\ dul [ia\ mơh ai tiê, hnư hrui w^t đ^ h^n. Mơ\ng ana\n go\ êsei ăt h’^t kjăp h^n, ngă bruă bi kmlah lehana\n mâo bruă ngă đrông”.

Mơ\ng 1 alu\ wa\l ho\ng mnơ\ng pla mjing phu\n jing mdiê lehana\n kphê. Truh kơ ara\ anei kluôm kdriêk kr^ng dlông Lạc Dương mâo giăm 780 ha mnơ\ng pla mjing ba yua kdrăp mrâo, hnư hrui w^t yap mdu\m hlăm 1 ênhă lăn duh mkra mâo 225 êklăk prăk hlăm 1 ha. Hlăm ana\n, ênhă pla djam hlăm sang ală k^ng mâo mơ\ng 500 – 800 êklăk prăk hlăm 1 ha hlăm 1 thu\n. Ênhă pla mnga mâo mơ\ng 800 êklăk prăk truh 1 êklai prăk. Boh nik gơ\ mâo ênhă pla mnga lyly hrui w^t truh 2 êklai prăk hlăm 1 ha hlăm 1 thu\n.

Mrâo anei khua Knu\k kna bi mklă leh alu\ wa\l ngă lo\ hma ba yua kdrăp mrâo mrang ti să Da\ Sar, ho\ng ênhă pro\ng êbeh 220 ha, mjing klei găl êlưih ]ia\ng kdriêk Lạc Dương hluê ngă du\m hdră êlan đru mdul ]an prăk, amâo mâo mă prăk mưn yua lăn ]ia\ng mtru\t mjhar êpul bruă mnia mblei duh bi liê kơ bruă duh mkra pla mjing doh, mguôp mb^t ho\ng bruă mkra mjing ti alu\ wa\l.

Lê Quang Minh, k’iăng khua knơ\ng bruă sang ]ư\ êa kdriêk Lạc Dương brei thâo; hlăm hdră mđ^ kyar mb^t, mnuih [uôn sang djuê [ia\ hlăm kdriêk ăt mâo klei đ^ kyar pro\ng kơ klei thâo bruă duh mkra, msir lăm klei bhiăn duh mkra hđăp, bi juăt mưng ho\ng mnơ\ng pla sui thu\n mlan, djam mtam, mnga, ana êa drao. Hlăm kluôm kdriêk, go\ êsei [un kr^ng mnuih [uôn sang djuê [ia\ kno\ng adôk 46 go\ êsei. Hluê si Lê Quang Minh, kdriêk hlăk lo\ dơ\ng mđ^ ktang ba yua hdră mnê] mrâo mrang hlăm bruă duh mkra pla mjing ]ia\ng đru mnuih [uôn sang mđ^ lar du\m klei găl ]ia\ng mđ^ kyar klei hd^p mda:

“Anei jing kr^ng lăn mâo yan adiê djo\ guôp kơ bruă duh mkra, ngă lo\ hma ba yua kdrăp mrâo mrang. Ho\ng kphê jing mnơ\ng pla mjing phu\n, [ia\dah mb^t ho\ng ana\n kdriêk srăng ba hưn mdah hdră bruă ngă klă s^t ]ia\ng đru mnuih [uôn sang bi mlih mnơ\ng pla mjing hluê hdră pla mjing ngă lo\ hma ba yua kdrăp mrâo ho\ng hdră k`ăm mđ^ hnư hrui w^t h’^t kjăp h^n”.

Ho\ng klei găl kơ lăn ala, hiu ]hưn dhar kreh dưi mđ^ kyar leh, ara\ anei lo\ mđ^ lar ai tiê ba yua kdrăp mrâo, kdriêk Lạc Dương hlăk mâo du\m mta ]ua\n găl êlưih ]ia\ng lo\ dơ\ng kpưn đ^. Mhro\ [un ti anei amâo lo\ jing bruă dleh dlan ôh. Mnuih [uôn sang du\m djuê ana ti anei hlăk dôk ti ana\p lu klei găl ngă bruă đ^ hriê kơ sah mdro\ng.

H’Mrư pô ]ih hlo\ng răk