VOV4.Êđê- Bi hdơr 110 thŭn hrue kkiêng kơ Đại tướng Võ nguyên Giáp, ti čar Cao Bằng hŏng lu bruă ngă yuôm bhăn. Aguah mbrue (24/8), ti alŭ wăl knhuah gru ala čar dliê Trần Hưng Đạo, ti să Tam Kim, kdriêk Nguyên Bình, čar Cao Bằng mkŏ mjing leh knăm čuh brui mngưi ti knưng bi hdơr kơ Đại tướng Võ Nguyên Giáp. Leh knăm čuh brui mngưi, mdudp dưm kwang mnga hlăm wăl knhuah gru ala čar dliê Trần Hưng Đạo, čar Cao Bằng mkŏ mjing klei trông čhai hŏng akŏ: “Đại tướng Võ Nguyên Giáp hŏng ƀuôn sang phŭn agha klei krŭ kdơ̆ng Cao Bằng" Mâo 25 klei ba bi trông mơ̆ng phung bi ala đru bi mngač leh bruă klam prŏng prĭn mơ̆ng Đại tướng hŏng bruă krŭ kdơ̆ng Việt Nam, boh nik hlăm wưng thŭn 1941 -1945, jing wưng Đại tướng dôk ngă bruă ti Cao Bằng.

Mâo lu klei bi trông lač klă dŭm klei đru mguôp prŏng prĭn mơ̆ng phung ƀuôn sang djăp djuê ana čar Cao Bằng hlăm klei thâo bi dlăng ba, bi đru mgang êpul krŭ kdơ̆ng mbĭt hŏng Đại tướng Võ Nguyên Giáp, anôk Đại tướng yap jing ƀuôn sang tal dua kơ pô./.

Pô mblang: Y-Khem Niê