VOV4.Êđê- Hruê mbruê (6/8) mkŏ mjing leh klei bi trông online kñăm kaha mbha klei mrâo lehanăn klei hriăm plah wah Đảng Cộng sản Việt Nam lehanăn Đảng Cộng sản Chile. Lê Hoài Trung, khua bruă Đảng gưl dlông, khua êpul bruă hŏng tač êngao lehanăn Claudio de Negri, khua bruă Đảng gưl dlông, khua êpul bruă hŏng tač êngao mơ̆ng Đảng Cộng sản Chile gĭt gai leh klei bi trông anăn. Hlăm klei bi trông, Lê Hoài Trung mñă klă Đảng Cộng sản Việt Nam dlăng yuôm bhăn nanao, čiăng mtrŭt mđĭ hĭn klei bi mguôp, ƀĭng hgŭm jăk siam hŏng Đảng Cộng sản Chile. Ăt hlăm klei bi trông anăn, dŭm čô bi ala mơ̆ng 2 Đảng bi êdah leh dŭm klei đru kčĕ kơ klei hriăm hlăm bruă mkŏ mjing Đảng, ngă bruă mâo klei êngiê, klei thâo hlăm bruă mđĭ kyar bruă duh mkra - ala ƀuôn lehanăn hgŭm hŏng tar rŏng lăn hlăm wưng ară anei, bi êdah dŭm hdră êlan klă hĭn čiăng mtrŭt mđĭ hĭng klei bi mguôp 2 Đảng, 2 ala čar hlăm hruê mmông kơ anăp.

Pô mblang: Y-Ƀel Êban