VOV4.Êđê- Hruê 28/5, Lê Hoài Trung, khua bruă Đảng gưl dlông, khua êpul bruă hŏng tač êngao gưl dlông gĭt gai leh klei kƀĭn trực tuyến hưn mdah boh tŭ dưn mơ̆ng klei kƀĭn ala tal 13 mơ̆ng Đảng yang ƀuôn êngiê Việt Nam hŏng Đảng yang ƀuôn êngiê Cu-Ba lehanăn Đảng ala čar Nga bi mguôp. Blŭ hlăm anôk kƀĭn, Lê Hoài Trung mnă klă, Việt Nam dlăng yuôm bhăn lehanăn čiăng kluôm êlam hĭn klei jĕ giăm hŏng Đảng yang ƀuôn êngiê Cu-Ba lehanăn Đảng ala čar Nga bi mguôp. Khua gĭt gai 2 Đảng Đảng yang ƀuôn êngiê Cu-Ba lehanăn Đảng ala čar Nga bi mguôp ăt dlăng yuôm klei bi mguôp hŏng Dảng yang ƀuôn êngiê Việt Nam, dlăng anăn jing atur kơ kđi čar yuôm bhăn hlăm bruă mtrŭt mjhar, mtrŭn agha bi êlam hĭn klei jĕ giăm Việt Nam – Cu Ba, dưi mâo leh khua gĭt gai Hồ Chí Minh, khua gĭt gai Phi-đen Cát-xtơ-rô lehanăn Ra-un Cát-xtơ-rô  tuh yuh ai tiê mkŏ mkra ăt msĕ hŏng klei êrô êbat hră êlan bi mguôp kluôm ênŭm Việt Nam - Liên bang Nga.

Pô mblang: Y-Khem Niê