VOV4.Êđê - Hruê anei (5/8), ti anôk bruă Đảng gưl dlông, êpŭl gĭt gai gưl dlông kơ bruă gang mkhư̆ klei ƀơ̆ng ngă hlăm klei kƀĭn tal 20 ti gŭ klei gĭt gai mơ̆ng khua gĭt gai Đảng Nguyễn Phú Trọng jing khua êpul gĭt gai. Anei jing klei bi kƀĭn tal êlâo hĭn kơ bruă gang mkhư̆ klei ƀơ̆ng ngăn hlăm wưng păn bruă mơ̆ng klei kƀĭn prŏng kluôm tal 13 mơ̆ng Đảng dưi mkŏ mjing hlăm wưng klei ruă tưp Covid-19 dôk dleh dưi ktuê dlăng, bluh đĭ hlăm lu alŭ wăl. Hlăm klei kƀĭn anei, srăng bi trông kơ dŭm bruă: klei hưn mdah hlăm klei ngă bruă, boh tŭ dưn hlăm hdră ngă bruă mơ̆ng êpul gĭt gai 6 mlan leh êgao, bi klă dŭm bruă klam dŭm mlan knhal jih thŭn anei, hưn mdah klei tŭ dưn bruă gĭt gai, mgaih msir dŭm boh klei, klei ngă soh hlăm klei gĭt gai, ksiêm dlăng mơ̆ng êpul gĭt gai. Hdră mkăp “bi mlih, bi mbŏ bruă ngă, bruă klam, klei dưi mơ̆ng êpul gĭt gai gưl dlông kdơ̆ng hŏng klei ƀơ̆ng ngăn”. Hdră mkăp klei bi mklă kơ bruă ksiêm dlăng, ktuê dlăng bruă kdơ̆ng hŏng klei ƀơ̆ng ngăn mơ̆ng êpul gĭt gai.

Y Bel pô mblang